Technology Khabar १५ जेष्ठ २०८२, बिहीबार
काठमाडौं ।
नेपाल दूरसञ्चार कम्पनी लिमिटेडले आर्थिक वर्ष २०८१/८२ मा ९ अर्ब ५५ करोड ८७ लाख रुपैयाँ खुद नाफा आर्जन गर्ने अनुमान गरिएको छ।
आर्थिक वर्ष सकिन बाकी नै रहेकाले र पूर्णरुपमा लेखापरीक्षण नभइसकेको हुनाले विभिन्न सूचकहरुको आधारमा यो संशोधित अनुमानमा आधारित आँकडा प्रस्तुत गरिएको हो।
अर्थमन्त्री विष्णुप्रसाद पौडेलले आज प्रतिनिधिसभामा आर्थिक वर्ष २०८२/८३ आर्थिक सर्वेक्षण पेस गर्दै उक्त जानकारी दिएका हुन्। आगामी आर्थिक वर्ष २०८२/८३ को आर्थिक सर्वेक्षण पेस गर्ने क्रममा चालु आर्थिक वर्ष २०८१/८२ को समीक्षा पनि प्रस्तुत गरिएको थियो।
समीक्षा अनुसार गत आर्थिक वर्ष २०८०/८१ मा नेपाल दूरसञ्चार कम्पनी लिमिटेडले ६ अर्ब २३ करोड १ लाख रुपैयाँ खुद नाफा आर्जन गरेको छ। यो आँकडा अघिल्लो आर्थिक वर्ष २०७९/८० को तुलनमामा कम हो।
प्रकाशित: १५ जेष्ठ २०८२, बिहीबार
