एप्पलको एआर स्मार्ट ग्लासेज २०२६ मा आउन सक्ने, के के अपेक्षा गर्ने?

काठमाडौं ।

एप्पलको एआर स्मार्ट चस्मा २०२६ मा आउन सक्ने अपेक्षा गरिएको छ, किनभने नयाँ रिपोर्टहरूले कम्पनीले आगामी वर्षको अन्त्यतिर एआर-सक्षम स्मार्ट चस्मा ल्याउने तयारी गरिरहेको बताएका छन्। एप्पलले यो चस्मालाई सरल बनाउने र बजारमा उपलब्ध मेटा रे ब्यान स्मार्ट चस्माजस्तै फिचरहरू दिने सम्भावना छ।

ब्लूमबर्गले एक एप्पल कर्मचारीलाई उद्धृत गर्दै गरेको रिपोर्ट अनुसार, कम्पनीले यो उत्पादनलाई एप्पल भिजन श्रृङखलामा नराख्ने सम्भावना छ र यसका लागि एआर र एआई मिसिएको नयाँ शृंखला सुरु गर्ने योजना बनाएको छ। एप्पलको एआर स्मार्ट चस्मा सन् २०२६ को अन्त्यतिर सार्वजनिक हुने र २०२७ को सुरुमा बजारमा उपलब्ध हुने अनुमान गरिएको न्युज१८ ले उल्लेख गरेको छ।

एप्पल स्मार्ट ग्लासेज: के के फिचर हुन सक्लान्?

रेब्यान चस्माजस्तै, एप्पलले पनि प्रतिस्पर्धी मूल्य कायम राख्न त्यस्तै प्रकारका फिचरहरू दिन सक्छ। यसमा क्यामेरा र माइक हुने, जसले वरपरको दृश्य रेकर्ड गर्न सकिने र इनबिल्ट स्पिकरमार्फत संगीत सुन्न सकिने सुविधा रहनेछ। तर, एप्पलले आफ्नै प्रिमियम डिजाइन र सामग्री प्रयोग गर्ने सम्भावना छ, जसले यसलाई हल्का र सहज रूपमा लगाउन मिल्ने बनाउनेछ।

एआईको विकाससँगै स्मार्ट चस्माको बजार बढ्दै गएको छ र एप्पलले यस क्षेत्रमा ठूलो हिस्सा लिने चाहना देखाएको छ। सीईओ टिम कुक यो उत्पादनप्रति निकै उत्साहित रहेको बताइएको छ र एआईभन्दा बढी उनी यो डिभाइस सफल बनाउनेतर्फ केन्द्रित छन्।

एप्पलले मेटालाई यस क्षेत्रमा आफ्नो प्रमुख प्रतिस्पर्धीका रूपमा हेरेको छ तर पनि गुगल र सामसङले पनि यसै वर्ष एण्ड्रोइड एक्सआर सम्बन्धी योजना अघि बढाइरहेका छन्। पुरानो ब्लूमबर्ग रिपोर्टअनुसार, “कुकले अहिले उत्पादन विकासको दृष्टिकोणले समय खर्च गरिरहेको एकमात्र कुरा यही हो।”

यस प्रकारको प्रविधिप्रति मोहित हुने व्यक्ति केवल कुक मात्र होइनन्। न्युज१८ का अनुसार गुगलकाका सह-संस्थापक सर्गे ब्रिन पनि पुनः सक्रिय भएका छन्, किनभने जेनेरेटिभ एआई र यसको लोकप्रियताका कारण गुगल ग्लासेज पुनः सफल हुन सक्ने उनी विश्वास गर्छन्।

मेटाको स्मार्ट चस्माको मूल्य करिब २५० डलर रहेको छ, जुन ३ हजार २९९ डलर पर्ने भिजन प्रो हेडसेटको तुलनामा धेरै सस्तो र आकर्षक छ। एप्पलले डिजाइन, हार्डवेयर र प्रदर्शनबीच सन्तुलन कायम गर्दै यस्तो उत्पादन ल्याउनेछ जसले प्रयोगकर्तालाई उत्साहित गर्ने मात्र होइन, कम्पनीलाई यसको हालको एआई चुनौतीपछि बजारमा नयाँ उचाइ दिलाउनेछ भन्ने अब आशा गर्न सकिन्छ।