स्मार्टफोन जायन्ट सामसङ अन्तरिक्ष दौडमा प्रवेश गर्ने सम्भावना

काठमाडौं ।

आफ्नो स्मार्टफोन र विभिन्न होम अप्लाइन्सेसको लागि सबैभन्दा परिचित टेक जायन्ट सामसङले अब अन्तरिक्षतर्फ आफ्नो नजर राखेको छ। कम्पनीले विभिन्न अन्तरिक्ष प्रविधिहरू विकास गर्ने काम गरिरहेको बताइएको छ, जसमा अन्तरिक्ष उद्योगको लागि पूर्वाधार समावेश हुन सक्ने उल्लेख गरिएको छ।

सामसङले अन्तरिक्षमा आफ्नो ध्यान केन्द्रित गर्दैः स्मार्टफोनदेखि अन्तरिक्ष प्रविधिसम्मः
दक्षिण कोरियाली टेक जायन्टले आफ्नो क्षितिज विस्तार गर्दै ताराहरूसम्म पुगिरहेको देखिन्छ। द कोरिया इकोनोमी डेलीले (एन्ड्रोइडहेडलाइन्स मार्फत) कम्पनीले अन्तरिक्ष प्लान्ट परियोजना विकास गरेर अन्तरिक्ष पूर्वाधार बजारमा प्रवेश गर्ने योजना बनाइरहेको रिपोर्ट गरेको छ। यो साइटले सामसङलाई विभिन्न अन्तरिक्ष पूर्वाधारहरू, जस्तै लन्च प्याडहरू र विभिन्न अन्तरिक्ष यान सम्बन्धित कम्पोनेन्टहरू विकास गर्न र बनाउन अनुमति दिनेछ।

सामसङले अनुसन्धान र विकास केन्द्र निर्माण गर्न सियोल विश्वविद्यालयको एयरोस्पेस र इन्जिनियरिङ विभागसँग काम गरिरहेको रिपोर्टमा थप उल्लेख गरिएको छ। अन्तरिक्ष उद्योगमा सामसङको प्रवेशले दक्षिण कोरियाको अर्थतन्त्रलाई बढावा दिन मद्दत गर्न सक्छ भनि देशका अन्तरिक्ष विज्ञहरूले उल्लेख गरेका छन्। उपभोक्ता इलेक्ट्रोनिक्स क्षेत्रमा एक प्रमुख ब्राण्ड सामसङको हेभी इन्डस्ट्रीज डिभिजनले पोलार (ध्रुवीय) ट्राभर्सलको लागि सिप्स (जहाजहरू) निर्माण गरेको छ भने सेनासँग पनि सम्झौताहरू गरेको छ।

त्यसैले कम्पनीले अन्तरिक्ष पूर्वाधार बनाउनु त्यति अचम्मको कुरा नभएको उल्लेख गरिएको छ। लन्च प्याड र अन्तरिक्षयानका कम्पोनेन्टहरू बाहेक, सामसङले उच्च पृथ्वीको कक्षमा उच्च विकिरण वातावरणमा आफ्नो स्व–विकसित सेमिकण्डक्टरहरूको परीक्षण गरिरहेको हल्ला पनि सुन्नमा आएका छन्। ब्राण्डले यो परियोजना सुरु गर्न कोरिया खगोल विज्ञान र अन्तरिक्ष विज्ञान संस्थानसँग पहिले नै सम्झौतामा हस्ताक्षर गरिसकेको बताइएको छ। यी जानकारीहरु अहिलेको लागि अनुमान मात्र भएको हुनाले यस समाचारलाई ध्यानपूर्वक लिनको लागि गीज्मोचाइनाले आग्रह गरेको छ।