आईफोन फोल्डमा अब अन्डर–डिस्प्ले क्यामराको साथ परीक्षण गरिँदै

काठमाडौं ।

एप्पलको पहिलो फोल्डेबल आईफोन सन् २०२६ को उत्तरार्ध वा सन् २०२७ मा डेब्यू हुने भएको छ। कोरियाबाट आएको एउटा नयाँ अफवाहले इन्जिनियरिङ प्रोटोटाइपको हालको अवस्थाको बारेमा खुलासा गरेको छ।

आईफोन फोल्डमा होल–पञ्च सेल्फी क्यामरा भएको कभर डिस्प्ले समावेश गरिने भनिएको छ। अर्कोतर्फ, रोचक कुरा के छ भने, इनर फोल्डिङ स्क्रिनमा सामसङको ग्यालेक्सी जेड फोल्ड६ जस्तै अन्डर–डिस्प्ले सेल्फी क्यामरा रहेको बताइएको छ।

एप्पलको फोल्डेबलमा साइड–माउण्टेड टच आईडी फिङ्गरप्रिन्ट सेन्सर पनि रहने बताइएको छ भने फेस आईडीको लागि कुनै समर्थन उपलब्ध नहुने उल्लेख गरिएको छ। स्क्रिनको आकार अघिल्लो प्रोटोटाइपको तुलनामा थोरै घटाइएको भए पनि तिनीहरूको रिजोल्युसन र पक्ष अनुपात उस्तै रहेको छ।

एप्पलसँग अझै पनि आईफोन फोल्डको लागि चाहिने सटीक विशिष्टताहरू प्राप्त गर्न धेरै समय छ, त्यसैले यसको धेरै भविष्यमा परिवर्तन हुन सक्छ (र सम्भवतः हुनेछ)। तर कम्पनीले अन्डर–डिस्प्ले क्यामरा मार्गमा जाँदै गरेको हेर्न रोचक भएको उल्लेख गरिएको छ।

एप्पलले फोल्डिङ स्क्रिनको क्रिज कम गर्नमा ध्यान केन्द्रित गर्नुको साथै आईफोन फोल्डलाई आफ्ना कुनै पनि प्रतिस्पर्धीहरू भन्दा धेरै उच्च–गुणस्तरको हिञ्जले सुसज्जित गर्ने भएको छ भनि यस अघिको एउटा अफवाहले बताएको जीएसएमएरिनाले उल्लेख गरेको छ।