एप्पलले आईफोनको मूल्य बढाउने विचार गरिरहेको वाल स्ट्रीट जर्नलको दावी

काठमाडौं ।

एप्पलले आफ्नो आगामी आईफोन लाइनअपको लागि मूल्य वृद्धिको बारेमा सोचिरहेको रिपोर्ट गरिएको छ। धेरैजसो एप्पल डिभाइसहरू चीनमा एसेम्बल हुने गर्दछन्। तर चीनबाट गरिने आयातमा अमेरिकी शुल्कका कारण कम्पनीले मूल्य बढाएको जस्तो नदेखियोस् भन्ने चाहना एप्पलको भएको वाल स्ट्रिट जर्नलले सोमबार रिपोर्ट गरेको छ।

वाशिङ्गटन र बेइजिङले सोमबार पारस्परिक करहरू अस्थायी रूपमा घटाउन सहमत भएपछि विस्तृत बजारमा भएको लाभलाई ट्र्याक गर्दै, प्रविधि जायण्टको शेयर प्रिमार्केट ट्रेडिङ्गमा ७ प्रतिशतले बढेको छ। तर चिनियाँ आयातहरू अझै पनि अमेरिकामा ३० प्रतिशत लेभी ( शुल्क लगाउने कार्य) को अधीनमा रहनेछन्।

अमेरिका–चीन व्यापार तनावमा फस्ने सबैभन्दा प्रमुख फर्महरू मध्ये एप्पल एक भएको बताइएको छ भने अमेरिकी राष्ट्रपति डोनाल्ड ट्रम्पले सुरु गरेको श्रृंखलाबद्ध करहरू पछि हालैका महिनाहरूमा तनाव तीव्र भएको थियो।

एप्पलले टिप्पणीको लागि रोयटर्सले गरेको अनुरोधलाई कुनै जवाफ नदिएको यस विषयमा परिचित व्यक्तिहरूलाई उद्धृत गर्दै वाल स्ट्रिट जर्नलले रिपोर्ट गरेको छ।

मूल्य बढाउनाले एप्पललाई विश्वव्यापी आपूर्ति शृङ्खलामा बाधा पुर्याउने र कम्पनीलाई भारतमा थप उत्पादन सार्न बाध्य पार्ने शुल्कबाट उत्पन्न हुने उच्च लागतलाई कम गर्न मद्दत गर्न सक्ने बताइएको छ।

अप्रिल–जुन त्रैमासिकमा शुल्कले लगभग ९०० मिलियन अमेरिकी डलर लागत थप्ने अपेक्षा गरिएको र त्यस अवधिमा अमेरिकामा बेचिने धेरैजसो आईफोनहरू भारतबाट पनि प्राप्त गरिनेछ भनि एप्पलले यस महिनाको सुरुमा बताएको थियो।

विश्लेषकहरूले महिनौंदेखि एप्पलबाट मूल्य वृद्धिको बारेमा अनुमान गर्दै आएका छन् र यस्तो कदमले यसको बजार हिस्सा गुमाउन सक्ने चेतावनी दिएका छन्। विशेष गरी सामसङ जस्ता प्रतिद्वन्द्वीहरूले उपभोक्ताहरूलाई एआई सुविधाहरूका साथ आकर्षित गर्ने प्रयास गर्दा जुन एप्पलले रोल आउट गर्न ढिलो गरेको उल्लेख गरिएको छ।

सबैभन्दा सस्तो आईफोन १६ मोडेल अमेरिकामा ७९९ अमेरिकी डलरको स्टिकर मूल्यमा लन्च गरिएको थियो भने ट्यारिफका कारण १,१४२ अमेरिकी डलर सम्मको मूल्य पर्न सक्छ भनि गत महिना रोसेनब्लाट सेक्युरिटीजले अनुमान गरेको र लागत ४३ प्रतिशतले बढ्न सक्ने बताएको थियो।

वाल स्ट्रिट जर्नलको रिपोर्टले एप्पलले मूल्य वृद्धिलाई नयाँ सुविधाहरू र डिजाइन परिवर्तनहरूसँग जोड्ने योजना बनाएको बताएको छ जसमा अल्ट्राथिन डिजाइन समावेश रहेको छ भने जसले वृद्धिलाई जायज ठहराउन मद्दत गर्न सक्ने उल्लेख गरिएको छ।