एआई बजारमा प्रवेश गर्न र अमेरिकामा थप लगानी आकर्षित गर्न आईबीएमको प्रयास

काठमाडौं ।

आईबीएमले मंगलबार ग्राहकहरूलाई उनीहरूको प्रमुख व्यावसायिक कार्यहरूको लागि एआई एजेन्टहरूको फ्लीट (समूह) व्यवस्थापन गर्न मद्दत गर्न सक्ने टुल्स (उपकरणहरू) को बारेमा चर्चा गर्दै व्यस्त आर्टिफिशियल इन्टेलिजेन्स फिल्ड (कृत्रिम बुद्धिमत्ता क्षेत्र) मा थप बिक्री बढाउने लक्ष्य राखेको बताएको छ।

एक अन्तर्वार्तामा, प्रमुख कार्यकारी अरविन्द कृष्णले सफ्टवेयर प्रदान गर्ने अवसर देखेको जसले ग्राहकहरूको एआई एजेन्टहरूलाई जस्तै सेल्सफोर्स, वर्कडे र एडोब समावेश रहेका अन्य प्रदायकहरूलाई एकीकृत गर्दछ र आईबीएमको सहयोगमा तिनीहरूलाई प्रयोग नगरिएका प्रयोगका केसहरूको लागि आफ्नै एजेन्टहरू निर्माण गर्न दिन्छ भनि बताएका छन्।

“हामी हाम्रा ग्राहकहरूलाई एकीकृत गर्न मद्दत गर्छौं। हामी उनीहरूलाई जहाँ छन् त्यहाँ भेट्न चाहन्छौं,” उनले मंगलबार आईबीएमको वार्षिक थिंक सम्मेलन सत्रअघि भने।

आईबीएमका टुल्स (उपकरणहरू) ले ग्राहकहरूलाई पाँच मिनेट भन्दा कम समयमा आफ्नै एजेन्टहरू बनाउन मद्दत गर्नेछ। कृष्णका अनुसार यी उपकरणहरूले एआई मोडेलहरूको आईबीएम ग्रेनाइट फ्यामलीका साथै र मेटा प्लेटफर्महरू र मिस्ट्रलका विकल्पहरू पनि प्रयोग गर्ने उल्लेख गरिएको छ।

विभिन्न कार्यहरूको लागि विभिन्न एआई मोडेलहरू प्रयोग गर्ने ग्राहकको रुचिले आईबीएमको माग बढाउने कृष्णले बताएका छन्। गत महिना यसले च्याटजीपीटी–जस्तो जेनेरेटिभ एआईबाट ६ बिलियन अमेरिकी डलर “व्यवसायको” निर्माण गरेको रिपोर्ट गरिएको छ। अमेजन वेब सर्भिसेज र माइक्रोसफ्टको सापेक्षमा सानो क्लाउड प्रदायक, आईबीएमले आफ्नो प्रविधिलाई धेरै क्लाउडहरू वा आफ्नो डाटा व्यवस्थापन गर्न आफ्नै पूर्वाधार चाहने ग्राहकहरूको लागि तयार पारेको उल्लेख गरिएको छ।

“यी सबै क्षमताहरूले ती संख्याहरूमा वृद्धिको दरलाई मात्र तीव्र पार्नेछ” उनले आईबीएमको नयाँ टुल्स (उपकरणहरू) को बारेमा भने।

त्यसैगरी आईबीएमले अप्रिलमा अर्को पाँच वर्षमा, यसले संयुक्त राज्य अमेरिकामा १५० बिलियन अमेरिकी डलर लगानी गर्ने घोषणा गरेको छ जहाँ यसले ६० वर्षभन्दा बढी समयदेखि मेनफ्रेम कम्प्युटरहरू निर्माण गर्दै आएको छ। यसले संयुक्त राज्य अमेरिकामा क्वान्टम कम्प्युटरहरू पनि बनाउनेछ भनि कृष्णाले उल्लेख गरेका छन्।

“मेनफ्रेम, आर्टिफिसियल इन्टेलिजेन्स र क्वान्टम कम्प्युटिङ बीच, हामीलाई लाग्छ कि त्यहाँ एक धेरै स्वस्थ बजार हुनेछ जुन हामीलाई लगानी गर्न र त्यसमा भर पर्न योग्य बनाउनेछ” उनले भने।

राष्ट्रपति डोनाल्ड ट्रम्पको प्रशासनबाट प्रविधिमा ध्यान केन्द्रित र नियमहरूमा कटौतीले अर्थतन्त्रलाई वृद्धिको लागि स्थापित गर्नेछ भनि कृष्णले थप बताएको रोयटर्सले उल्लेख गरेको छ।