काठमाडौं ।
लेजेण्डरी खेल फ्ल्यापी बर्ड फिर्ता ल्याइएको छ र यो एन्ड्रोइड डिभाइसहरूमा डाउनलोडको लागि उपलब्ध भएको बताइएको छ। तर यस पटक फ्ल्यापी बर्ड विशेष रूपमा एपिक गेम्स स्टोर मार्फत डाउनलोडको लागि उपलब्ध भएको उल्लेख गरिएको छ।
गुगल प्ले स्टोरबाट निकालिएको दस वर्ष भन्दा बढी समय पछि, फ्ल्यापी बर्ड फाउन्डेसन नाम अन्तर्गत भेला भएका उद्योग उत्साहीहरूको टोलीले यो सरल तर लत लाग्ने खेल फिर्ता ल्याएको रिपोर्ट गरिएको छ।
नयाँ संस्करणले खेल मेकानिक्सलाई कायम राखेको बताइएको छ जहाँ पाइपहरूबाट बच्नको लागि स्क्रिन ट्याप गर्नु पर्दछ। साथै नयाँ संस्करणले खेल मेकानिक्सलाई कायम राख्दै अब थिम्स (विषयवस्तुहरू), पात्रहरू र अन्य विकल्पहरूको साथ नयाँ संसारहरू पनि ल्याएको उल्लेख छ।
मूल संस्करणका निर्माता, डोङ नुयेन भने यस संस्करणको विकासमा संलग्न नभएको बताइएको छ। त्यसैगरी खेलको अधिकार उनको ट्रेडमार्कको म्याद सकिएपछि प्राप्त गरिएको हुनाले उनलाई कुनै आर्थिक लाभ पनि नहुने उल्लेख गरिएको छ।
यस खेललाई केवल रमाइलो अनुभव र पुरानो यादमा मात्र केन्द्रित गरिएको उल्लेख छ।
यो खेल निःशुल्क उपलब्ध गराइएको र यसलाई एन्ड्रोइड डिभाइसहरूको लागि एपिक गेम्स एप मार्फत डाउनलोड गर्न सकिने टेलिग्राफले उल्लेख गरेको छ।
प्रकाशित: २३ बैशाख २०८२, मंगलवार
