रियलमी १४टी फाइभजी डाइमेन्सिटी ६३०० र ६,०००एमएएच ब्याट्रीको साथ घोषणा

काठमाडौं ।

रियलमीले भारतमा रियलमी १४टी फाइभजी प्रस्तुत गरेको छ। यो सन् २०२४ को डिसेम्बरमा आधिकारिक रूपमा आएको रियलमी १४× फाइभजी पछि भारतमा लन्च हुने दोस्रो १४–सिरिजको फोन भएको बताइएको छ।

फोनमा स्याटिन–टेक्स्चर फिनिश रहेको र तीन आकर्षक शेडहरूमा उपलब्ध रहेको उल्लेख गरिएको छ। स्लिम ७.९७ मिमी प्रोफाइल र जीवन्त एमओएलईडी डिस्प्लेको साथ, १४टी फाइभजी लुकका साथै दैनिक प्रदर्शन दुवैमा प्रभाव पार्न डिजाइन गरिएको उल्लेख छ।

ब्रान्डको नम्बर सिरिजको पछिल्लो थपको रुपमा आएको रियलमी १४टीमा एमओएलईडी डिस्प्ले, डाइमेन्सिटी ६३०० चिपसेट र ४५ वाट चार्जिङको साथ ६,०००एमएएच ब्याट्री समावेश गरिएको छ।

रियलमी १४टी फाइभजीमा एफएचडी+ रिजोल्युसन र १२० हर्ज रिफ्रेस रेटसहितको ६.६७ इन्चको एएमओएलईडी डिस्प्ले समावेश गरिएको छ। प्यानललाई २,१०० निट्स सम्मको लोकल पीक ब्राइटनेसको लागि मूल्याङ्कन गरिएको छ र यसमा एम्बेडेड अप्टिकल फिङ्गरप्रिन्ट स्क्यानर रहेको छ।

रियलमी १४टी फाइभजीमा ८जीबी र्याम र १२८/२५६जीबी स्टोरेजको साथ मिडियाटेक डाइमेन्सिटी ६३०० चिपसेट समावेश गरिएको छ। त्यसैगरी फोनमा आईपी६८/आईपी६९ डस्ट–टाइट र वाटर–रेसिस्टेन्ट पनि रहेको छ।

डिभाइसमा ५० मेगापिक्सेलको मुख्य क्यामरा (ओभी५०डी४०) र पछाडि २ मेगापिक्सेलको डेफ्थ हेल्पर रहेको छ। सफ्टवेयरतर्फ एन्ड्रोइड १५ मा आधारित रियलमी यूआई ६.० द्वारा कभर गरिएको उल्लेख छ।

रियलमी १४टी फाइभजी ओब्सिडियन ब्ल्याक, सर्फ ग्रीन र लाइटनिङ पर्पल रङ्गहरूमा आउने छन्। रियलमी १४टी फाइभजीको ८/१२८जीबी ट्रिमको लागि भारतमा १७,९९९ भारतीय रुपैयाँ (२१० अमेरिकी डलर) बाट मूल्य सुरु हुन्छ भने ८/२५६जीबी मोडेलको मूल्य १९,९९९ भारतीय रुपैयाँ (२३४ अमेरिकी डलर) कायम गरिएको छ। रियलमी १४टी फाइभजीको खुला बिक्री भने अप्रिल ३० तारिखमा सुरु हुने तालिका रहेको जीएसएमएरिनाले उल्लेख गरेको छ।