काठमाडौं ।
रोकु अब स्मार्ट होम क्षेत्रमा अझ गहिरो प्रवेश गर्दैछ। कम्पनीले ब्याट्रीमा चल्ने दुई नयाँ सुरक्षा क्यामेरा सार्वजनिक गरेको छ, जसलाई तपाईं जहाँ चाह्यो त्यहाँ राख्न सक्नुहुन्छ। यी हुन्—रोकु ब्याट्री क्यामरा र रोकु ब्याट्री क्यामरा प्लस।
रोकु ब्याट्री क्यामराले एकपटक चार्ज गरेपछि करिब छ महिनासम्म चल्न सक्छ भने रोकु ब्याट्री क्यामरा प्लस ले केही वर्षसम्म काम गर्न सक्छ। यिनका लागि वैकल्पिक सौर्य प्यानल पनि उपलब्ध छ, जसले गर्दा तपाईंले ब्याट्री फेरि चार्ज गर्नै नपर्न सक्छ।
इन्ग्याजेटका अनुसार यी क्यामेरा सरल प्रयोगका लागि डिजाइन गरिएका हुन्। तपाईंको फोनमा चरणबद्ध रूपमा देखाइने सेटअप प्रक्रिया अनुसार सजिलै जडान गर्न सकिन्छ। क्यामेराले १०८०पिक्सेल पूर्ण-रंग भिडियो देखाउँछ र रातमा पनि रंगीन दृश्य देख्ने सुविधा छ। मुभमेन्ट डिटेक्सन र सूचना पनि उपलब्ध छन्। क्यामरा कुन समय सक्रिय रहने भन्ने तालिका पनि बनाउन सकिन्छ।
यी क्यामेराबाट देखिने दृश्यलाई रोकु स्मार्ट होम एप, वेब ब्राउजर, रोकु टीभी तथा स्ट्रिमिङ डिभाइसहरूमार्फत निगरानी गर्न सकिन्छ। रोकु क्यामरा टीभी एप प्रयोग गरी तपाईंले क्यामेरा फिडको कैरोसेल हेर्न सकिन्छ, जुन समय–समयमा वा गति देखिएको घटनामा आधारित भएर फेरिन्छ। साथै, तपाईं टिभी हेर्दै गर्दा घर वरिपरिको गतिविधि पिक्चर-इन- पिक्चर मोडमा हेर्न सकिन्छ।
तर, यी क्यामेरामा स्थानीय भण्डारणका लागि माइक्रोएसडी कार्ड समर्थन छैन। भिडियो क्लिपहरू क्लाउडमा सुरक्षित राख्न वा वस्तु-विशेष डिटेक्सन अलर्ट पाउनका लागि सदस्यता शुल्क तिर्नुपर्ने हुन्छ।
रोकु ले यी क्यामेराको मूल्य भने अहिलेसम्म घोषणा गरेको छैन। यी क्यामेरा केही महिनाभित्र उपलब्ध हुनेछन्। रोकुले बुधबार आयोजित कार्यक्रममार्फत नयाँ स्ट्रिमिङ स्टिक, नयाँ टिभी तथा अन्य सुविधा अपडेटहरू पनि सार्वजनिक गरेको छ।
प्रकाशित: १३ बैशाख २०८२, शनिबार
