बेलायतमा नयाँ नियामक व्यवस्था अन्तर्गत दुर्गम क्षेत्रहरूमा औषधि पुर्याउने मिशनहरूको लागि ड्रोनको प्रयोग गरिने सम्भावना

काठमाडौं ।

बेलायतमा नयाँ नियामक व्यवस्थाको अंशको रूपमा दुर्गम क्षेत्रहरूमा औषधि पुर्याउने, विण्ड टर्बाइनहरूको निरीक्षण गर्ने र ओयल रिगहरू आपूर्ति गर्ने जस्ता मिसनहरूको लागि ड्रोनहरू प्रयोग गर्न सकिने सम्भावनको उल्लेख गरिएको छ।

‘यदि परिवर्तनहरू अर्को वर्ष लागू भएको खण्डमा ड्रोनहरू प्रयोग गर्न सकिन्छ भने स्पष्ट परिस्थितिहरू रहेका छन्’ भनि बेलायतमा नयाँ प्रविधिहरू तैनाथ (बन्दोवस्त) गर्न को लागि मद्दत गर्ने नयाँ सरकारी इकाईका प्रमुख डेभिड विलेट्सले उल्लेख गरेका छन्।

हालका नियमहरू अन्तर्गत ड्रोनहरू “भिजुअल लाइन अफ साइ” (दृश्य रेखाभन्दा) बाहिर उडान गर्न नसकिने भएकोले लामो यात्राको लागि तिनीहरूको प्रयोग असम्भव देखिएको उल्लेख गरिएको छ।

‘परिवर्तनहरू सन् २०२६ मा आउन सक्छन्, तर तिनीहरू सुरुमा “असाधारण” उड्डयन वातावरणमा लागू हुनेछन्, जसको अर्थ दुर्गम क्षेत्रहरू र खुला पानीमाथि हुनेछ” भनि द गार्जियनसँगको एक अन्तर्वार्तामा रेगुलेटरी इनोभेसन अफिस (आरआईओ) का अध्यक्ष लर्ड विलेट्सले बताएको उल्लेख गरिएको छ।

“दुर्गम स्थानहरूमा जीपीएस र बिरामीहरूलाई औषधि पुर्याउन र परीक्षणको लागि अस्पतालहरूमा रगतको नमूना लैजान ड्रोनहरू प्रयोग गर्न सकिन्छ” उनले भने।

विलेट्सले “असामान्य” वायु वातावरणको परिभाषा पनि विस्तार गर्न सकिन्छ भनेर संकेत गरेका छन् जसले लामो दूरीमा ड्रोनको अधिक प्रयोगलाई अनुमति दिनेछ। परिभाषाले “धेरै हवाई क्षेत्रलाई समेट्न सक्छ” उनले भने।

यद्यपि, सबैभन्दा व्यस्त हवाई क्षेत्रमा ड्रोनहरू सञ्चालन गर्नको लागि, विमानहरूलाई तिनीहरूको उपस्थितिको बारेमा सचेत गराउने प्रविधि र मापदण्डहरूमा प्रगति हुनु आवश्यक रहेको उल्लेख गरिएको छ।

सन् २०२६ सम्ममा सम्भावित प्रयोगको अर्को उदाहरणको रूपमा ओयल (तेल) रिगहरूमा डेलिभरी र अफसोर विण्ड टर्बाइनहरूको मर्मतसम्भार उद्धृत गर्दै “कडा शब्दमा भन्नुपर्दा” टर्बाइन नियन्त्रण गर्न ड्रोन प्रयोग गर्दा दृश्य रेखाको आवश्यकता पर्दछ भनि विलेट्सले बताएको टेलिग्राफले उल्लेख गरेको छ।