‘सर्च’मा आफ्नो प्रभुत्व दुरुपयोग गरेको आरोपमा गुगलमाथि बेलायतमा ५ अर्ब पाउण्डको मुद्दा

काठमाडौं ।

अमेरिकी टेक जायन्टले मूल्य बढाउन अनलाइन सर्च बजारमा आफ्नो “लगभग पूर्ण प्रभुत्व” को दुरुपयोग गरेको आरोपसहित गुगलमाथि बेलायतमा ५ अर्ब पाउण्ड (६.६ अर्ब अमेरिकी डलर) को सम्भावित क्षतिको मुद्दा दायर भएको छ।

बुधबार बेलायतको प्रतिस्पर्धा पुनरावेदन न्यायाधिकरणमा दायर गरिएको एक क्लास एक्सन मुद्दामा गुगलले प्रतिस्पर्धी खोज इन्जिनहरूलाई प्रतिबन्धित गर्न, फलस्वरूप बजारमा आफ्नो प्रभावशाली स्थिति बलियो बनाउन र अनलाइन सर्च विज्ञापनको लागि एक मात्र व्यवहार्य गन्तव्य बनाउन आफ्नो स्थितिको दुरुपयोग गरेको दाबी गरिएको सीएनबीसीले रिपोर्ट गरेको छ।

सन् २०११ जनवरी १ तारिख देखि मुद्दा दायर नभएसम्म गुगलको खोज विज्ञापन सेवाहरू प्रयोग गर्ने लाखौं बेलायतमा आधारित संस्थाहरूको तर्फबाट प्रतिस्पर्धा कानून शिक्षाविद् ओर ब्रुकले यो मुद्दा ल्याएका हुन्। उनको प्रतिनिधित्व कानून फर्म गेराडिन पार्टनर्सले गरिरहेको छ।

“आज, बेलायतका व्यवसाय र संस्थाहरू, ठूला वा साना, सँग आफ्ना उत्पादनहरू र सेवाहरूको विज्ञापन गर्न गुगल विज्ञापनहरू प्रयोग गर्नु बाहेक लगभग कुनै विकल्प छैन,”ब्रुकले मंगलबार एक विज्ञप्तिमा भनिन, “विश्वभरका नियामकहरूले गुगललाई एकाधिकारको रूपमा वर्णन गरेका छन् र गुगलको शीर्ष पेजहरूमा स्थान सुरक्षित गर्नु भिजिबिलिटीको लागि आवश्यक छ।”

“गुगलले विज्ञापनदाताहरूलाई बढी शुल्क लिन सामान्य सर्च र खोज विज्ञापन बजारमा आफ्नो प्रभुत्वको फाइदा उठाउँदै आएको छ,” उनले थपिन्।

अर्कोतर्फ, गुगलले यो मुद्दालाई “अर्को काल्पनिक र अवसरवादी मुद्दा” भएको बताएको छ। “यसको विरुद्ध जोडदार रूपमा बहस गर्ने योजना छ,” कम्पनीले भनेको छ।