काठमाडौं ।
भन्सार शुल्क, कर, विश्वव्यापी व्यापार युद्ध र राजनीतिज्ञहरूको बारेमा कुरा गर्दै गर्दा हामीलाई तिनीहरूले सर्वसाधारणलाई दैनिक रुपमा कसरी असर गर्छन् भनेर बेवास्ता गर्न सजिलो हुन सक्छ।
अमेरिकी राष्ट्रपति डोनाल्ड ट्रम्पको करको कारणले अविश्वसनीय रूपमा एप्पलको लोकप्रिय प्रोडक्ट आईफोनलाई कसरी असर गर्न सक्छ भनेर टेलिग्राफले रिपोर्ट तयार पारेको छ।
बजारमा सबैभन्दा लोकप्रिय स्मार्टफोनहरू मध्ये एक, एप्पलको आईफोन एक प्रिय प्रोडक्ट हो जुन विश्वभर फैलिएको सोर्सिङ र उत्पादन श्रृंखलामा निर्भर गर्दछ।
चीनको सम्पर्कमा रहेका सबै कम्पनीहरू जस्तै, डोनाल्ड ट्रम्पको करको कारणले एप्पलमा पनि तत्काल प्रभावको रुपमा बजार मूल्य ७.३ प्रतिशतले घटेको देखियो।
चिनियाँ शहर झेङ्गझाउस्थित विश्वको सबैभन्दा ठूलो आईफोन उत्पादन सुविधाले एप्पलमा परेको प्रभावको बारेमा चित्रण गरेको उल्ल्खे गरिएको छ।
एप्पलले आफ्नो प्रोडक्टहरूको ठूलो हिस्सा चीनमा उत्पादन गर्दछ भनेर सबैलाई थाहा भएको कुरा हो भनि स्काईन्यूजलाई उद्धृत गर्दै टेलिग्राफले रिपोर्ट गरेको छ।
फक्सकनद्वारा सञ्चालित झेङ्गझाउ शाखा कम्पनीको एक महत्वपूर्ण निर्माता र आपूर्तिकर्ता पनि हो।
ट्रम्पले चीनबाट आउने सामानहरूमा थप ३४ प्रतिशत कर लगाएका छन् जसले गर्दा कुल कर ५४ प्रतिशत गुगेको छ।
अमेरिकी राष्ट्रपतिले ताइवानमा पनि ३२ प्रतिशत कर लगाए छन् भने फक्सकनका अधिकांश कारखानाहरू विदेशमा अवस्थित छन्।
छोटकरीमा भन्नुपर्दा, अमेरिकी करले उत्पादन लागत बढाउने जोखिम उच्च बनाएको छ।
त्यसैगरी कम्पनीहरूले यी लागतहरू उपभोक्ताहरूलाई हस्तान्तरण गर्ने चिन्ताहरू पनि बढेका छन्।
रोजेनब्लाट सेक्युरिटीजको पूर्वानुमानको आधारमा, यदि एप्पलले लागत बढायो भने नयाँ आईफोनको मूल्य २,००० यूरोभन्दा बढी हुन सक्ने उल्लेख गरिएको छ।
यो समान विश्वव्यापी आपूर्ति शृङ्खला भएका कम्पनीहरूले सामना गरिरहेको समान अवस्था हो भनि टेलीग्राफले उल्लेख गरेको छ।
प्रकाशित: २४ चैत्र २०८१, आईतवार
