काठमाडौं ।
अमेरिकी राष्ट्रपति डोनाल्ड ट्रम्पको पछिल्लो ट्यारिफ घोषणाले लगानीकर्ताहरूको विश्वास डगमगाएका कारण बिहीबार अमेरिकी क्रिप्टो कम्पनीहरूको सेयर प्रीमार्केट कारोबारमा ओरालो लाग्यो। विश्वव्यापी व्यापार तनाव बढ्दा जोखिमयुक्त सम्पत्तिहरूमा विक्री दबाब सिर्जना भएको छ।
क्रिप्टो एक्सचेन्ज क्वाइनबेस ग्लोबल झण्डै ४ प्रतिशत गिरावट आयो, जबकि प्रमुख बिटकइन होल्डर स्ट्राटेजीको सेयर ३ प्रतिशत घट्यो। क्रिप्टो माइनिङ कम्पनीहरू मारा होल्डिङ्स, रायट प्लेटफर्म्स र बिटफार्म्स क्रमशः ४ प्रतिशत, ५ प्रतिशत र ६ प्रतिशत घटे।
यो व्यापक गिरावटले ट्यारिफको असर विभिन्न सम्पत्ति वर्गहरूमा फैलिएको देखाउँछ। सबैभन्दा ठूलो क्रिप्टोकरेन्सी बिटकइन २.३ प्रतिशत घट्यो भने ईथर ३.३ प्रतिशत तल झरेको रोयटर्सले उल्लेख गरेको छ।
ट्रम्प प्रशासनले क्रिप्टोमैत्री नीति अपनाउने संकेत गरे पनि व्यापक आर्थिक अस्थिरता यस क्षेत्रमा संलग्न कम्पनीहरूलाई असर गर्न सक्छ। तर, केही विश्लेषकहरूका अनुसार अन्य उद्योगहरूको तुलनामा असर कम देखिएको छ।
“मूल्य गतिविधिले क्रिप्टोको सीमा-रहित र लोकतान्त्रिक स्वभावलाई देखाउँछ, जसले विश्वभरका लगानीकर्ताहरूलाई आर्थिक अनिश्चितताको विरुद्ध हेज गर्ने अवसर प्रदान गर्छ,”२१ शेयर्सका क्रिप्टो लगानी विशेषज्ञ डेभिड हर्नान्डेजले भने।
भान्दा रिसर्चका वरिष्ठ उपाध्यक्ष मार्को इयाचिनीका अनुसार क्रिप्टो एक्सचेन्ज-ट्रेडेड फन्ड (ईटीएफ) हरूमा खुद्रा लगानीकर्ताहरूबाट केही लगानी आकर्षित हुन सक्छ। तर उनले भने, “बजारमा अस्थिरता बढ्दै जाँदा यी प्रवाहको परिमाण घट्न सक्छ।”
प्रकाशित: २१ चैत्र २०८१, बिहीबार
