क्युआर कोडबाटै निवेदन र उजुरी, सेवाग्राहीलाई सुविधा

काठमाडौं ।

प्रहरी कार्यालयमा निवेदन तथा उजुरी लेख्न पन्यो भने पाँच सयदेखि दुई हजार खर्च हुन्थ्यो। लेखनदास वा वकिलबाट निवेदन लेख्दा मोटो रकम तिर्नु पर्थ्यो। विपन्न नागरिक निवेदन दिनका लागि रकम सापटी खोज्नुपर्ने अवस्था थियो।

अहिले कपिलवस्तुका हरेक प्रहरी युनिटमा यो समस्या सधैँका लागि अन्त्य भएको छ। कार्यालयमा समस्या लिएर आउने जोसुकैले पनि क्युआर कोड स्क्यान गरेर निवेदन दिन सक्ने भएका छन्।

जिल्ला प्रहरी कार्यालय कपिलवस्तुले सेवाग्राहीलाई निवेदन लेख्नका लागि क्युआर र सहयोगी प्रहरीको व्यवस्था गरेपछि सेवाग्राही लाभान्वित भएका छन्।

कार्यालयमा उजुरी दिन गएका एक व्यक्तिले निवेदन लेख्ने लेखनदास नभेटेर अलमलमा परेका थिए। प्रहरी सहायक हवलदार कमल आरसीले उनलाई हेर्दै मुस्कुराउँदै भने, “तपाईंले क्युआर कोड स्क्यान गर्न सक्नुहुन्छ भने मोबाइलबाटै फाराम डाउनलोड गर्न सक्नुहुन्छ। नभए न सहयोग गर्छु।

आजको गोरखापत्रबाट