काठमाडौं ।
भारतले ईलन मस्कको सामाजिक सञ्जाल प्लेटफर्म एक्सलाई आधिकारिक वेबसाइटलाई ‘सेन्सरशिप पोर्टल’ को रूपमा चिनाएकोमा आलोचना गरेको छ। सो वेबसाइट प्रविधि कम्पनीहरूलाई अनलाइनमा रहेका हानिकारक सामग्रीबारे सूचित गराउनका लागि बनाइएको हो। रोयटर्सले शुक्रबार समीक्षा गरेको अदालती कागजातअनुसार, भारतले यस विषयमा असहमति जनाएको छ।
यो मुद्दा भारत सरकार रएक्सबीचको कानुनी विवादलाई थप चर्काउने संकेत हो। प्रधानमन्त्री नरेन्द्र मोदीको सरकारले अनलाइन सामग्री हटाउने प्रक्रियासँग सम्बन्धित आदेशहरू कसरी लागू गरिन्छ भन्ने विषयमा एक्ससँग विवाद गरिरहेको छ। यो विवाद मस्कले भारतमा आफ्नो अन्य दुई ठूला व्यवसाय—स्टारलिंक र टेस्ला—सुरू गर्ने तयारी गरिरहेका समयमा आएको हो।
एक्सले मार्च ५ मा दक्षिण भारतीय राज्य कर्नाटकमै सरकारको वेबसाइट पहललाई खारेज गराउन अदालतमा मुद्दा दायर गरेको थियो।
त्यसको जवाफमा भारतको सूचना प्रविधि मन्त्रालयले मार्च २७ मा अदालतलाई दिएको निवेदनमा भनेको छ, “विश्वव्यापी प्लेटफर्मएक्सले यस्तो शब्दावली प्रयोग गर्नु दुर्भाग्यपूर्ण र निन्दनीय छ।” मन्त्रालयले एक्सले “निराधार रूपमा सेंसरशिपको डर देखाइरहेको” आरोप लगाएको छ।
सरकारी बयान सार्वजनिक नभए पनि, भारत सरकारको दावी अनुसार सो वेबसाइट प्रविधि कम्पनीहरूलाई उनीहरूले पूरा गर्नुपर्ने दायित्वबारे छिटो जानकारी गराउने उद्देश्यले मात्र बनाइएको हो, र कुनै पनि सामग्री रोक्न आदेश नदिइएको रोयटर्सले उल्लेख गरेको छ।
तर,एक्सले भने भारत सरकारले अवैध रूपमा आफ्नो सेन्सरशिप अधिकारलाई विस्तार गरेको दावी गर्दै आएको छ।
कम्पनीका अनुसार नयाँ वेबसाइट मार्फत सरकारका “अनगिन्ति” अधिकारीहरूलाई अनलाइन सामग्री हटाउने आदेश दिन सक्ने अधिकार दिइएको छ, जुनएक्सले “सेन्सरशिप पोर्टल” भनेर व्याख्या गरेको छ।
प्रकाशित: १६ चैत्र २०८१, शनिबार
