ट्रम्पको शुल्कबाट ‘त्रसित’ सामसङले ठूलो परिवर्तन गरिरहेको खुलासा

काठमाडौं ।

धेरै प्रमुख प्रविधि कम्पनीहरूले जनवरीमा अमेरिकी राष्ट्रपति डोनाल्ड ट्रम्पको उद्घाटन कोषमा चन्दा दिएका थिए। राष्ट्रपति ट्रम्पले धेरै उद्योगहरूमा शुल्क लगाउने वाचा गरेको र विशेष गरी विदेशी कम्पनीहरू उनको लक्ष्य भएको बताइएको छ।

त्यसैले गर्दा सामसङले नयाँ जनसम्पर्क निर्देशक नियुक्त गर्ने योजना बनाएको बताइएको छ। सामसङको उत्तर अमेरिकी सम्बन्धको नेतृत्व गर्ने वर्तमान व्यक्ति मार्क लिपर्ट हुन्।

लिपर्ट ओबामा प्रशासनको समयमा दक्षिण कोरियाका लागि अमेरिकी राजदूत थिए भने सन् २०२२ मा सामसङले उनलाई नियुक्त गरेको विदेशी मिडियालाई उद्धृत गर्दै टेलिग्राफले लेखेको छ।

त्यसको दुई वर्ष पछि अब सामसङले ट्रम्प प्रशासनसँग सम्बन्ध राख्ने नयाँ जनसम्पर्क प्रमुख खोज्दै गर्दा लिपर्टले राजीनामा दिने बताइएको छ। त्यसैगरी यो अचम्मलाग्दो कुरा नभएको उल्लेख गरिएको छ।

ट्यारिफ बाहेक, वर्तमान राष्ट्रपतिले सामसङ जस्ता कम्पनीहरूका लागि अन्य जोखिमहरू निम्त्याउन सक्ने उल्लेख गरिएको छ। एप्पलले भने पहिले नै ट्रम्पको पहिलो कार्यकालमा जस्तै रणनीतिहरू प्रयोग गर्ने प्रयास गरिरहेको उल्लेख छ।

एप्पललाई स्पष्ट रूपमा शुल्क र अन्य समस्याहरूबाट मुक्त गर्ने प्रयासको लागि सीईओ टिम कुकले ट्रम्पसँग धेरै बैठकहरू गरेको बताइएको छ।

अमेरिका सामसङको लागि ठूलो बजार हो भने कम्पनीले यदि हालको राजनीतिक वातावरण “नेभिगेट” गर्न असमर्थ भएको खण्डमा यसले कम्पनीको लागि गम्भीर नोक्सान निम्त्याउने उल्लेख गरिएको छ।

त्यसैले वर्तमान प्रशासनसँग राम्रो सम्बन्ध भएको जनसम्पर्क प्रबन्धक सामसङको लागि ठूलो मद्दत हुने टेलीग्राफले उल्लेख गरेको छ।