सात महिनामा १ हजार हाराहारी एटीएम मेशिन नेपाल भित्रियो

काठमाडौं ।

नेपालमा एटीएम मेशिनको आयात बढ्दो मात्रामा रहेको पाइएको छ। भन्सार विभागले हालै सार्वजनिक गरेको आर्थिक वर्ष २०८१/८२ को माघ महिनासम्मको वैदेशिक व्यापारको तथ्याङ्क अनुसार नेपालमा ९९० थान एटीएम मेशिन आयात भएको छ।

उक्त अवधिसम्म आयात भएको ९९० थान एटीएम मेशिनका लागि देशबाट १० करोड २१ लाख २५ हजार रुपैयाँ बाहिरिएको छ।

सरकारले उक्त परिमाणको एटीएम मेशिन आयातबाट यो अवधिमा ३ करोड ५ लाख ८५ हजार रुपैयाँ राजश्व संकलन गरेको छ। भन्सार विभागको तथ्याङ्क अनुसार यो अवधिमा छिमेकी चीन र भारतसहित नाम नखुलेको एक ठाउँबाट एटीएम मेशिन आयात भएको छ।

यो अवधिमा सबैभन्दा बढी भारतबाट ६ करोड ८४ लाख ७ हजार बराबरको १४३ थान तथा चीनबाट ३ करोड ३७ लाख ३ हजार बराबरको ८२१ थान एटीएम मेशिन आयात भएको छ।

यस्तो छ विवरण: