काठमाडौं ।
सोनीले बिहीबार आफ्नो आर्थिक वर्ष समाप्त हुने मार्च महिनाको लागि सञ्चालन नाफा पूर्वानुमान २ प्रतिशत वृद्धि गर्दै १.३४ ट्रिलियन येन (८.७० अर्ब डलर) पुर्याएको छ। कम्पनीले यसको श्रेय आफ्नो गेमिङ व्यवसाय मजबत हुनुलाई दिएको छ।
एक समय वाकम्यानजस्ता उपभोक्ता इलेक्ट्रोनिक्सका लागि चिनिएको सोनी अहिले गेम, चलचित्र, संगीत र इमेज सेन्सर व्यवसायमा संलग्न छ।
रोयटर्सका अनुसार तेस्रो त्रैमासिकमा सञ्चालन नाफा ४६९.३ अर्ब येन पुग्यो, जुन अघिल्लो वर्षको तुलनामा १ प्रतिशत वृद्धि हो र विश्लेषकहरूको अनुमानभन्दा बढी हो। गेमिङ र संगीत व्यवसायको वृद्धिले यसलाई सहयोग पुर्याएको छ।
अप्रिल १ देखि अध्यक्ष हिरोकी तोतोकीले सीईओको भूमिका सम्हाल्दै सोनीमाथि आफ्नो प्रभाव बढाउँदै छन्। तोतोकी पहिले वित्त प्रमुख थिए र गेमिङ युनिटमा कार्यकारी भूमिका लिँदै मुनाफा सुधार्ने काम गरेका थिए।
त्रैमासिक रूपमा सोनीको गेमिङ व्यवसायको नाफा ३७ प्रतिशत बढेको छ, जसमा उच्च बिक्री र हार्डवेयरबाट हुने घाटा कमी मुख्य कारण हुन्।
सोनीले उक्त त्रैमासिक अवधिमा ९.५ मिलियन प्लेस्टेशन ५ युनिट बिक्री गर्यो, जुन अघिल्लो वर्षको ८.२ मिलियन युनिटभन्दा बढी हो।
प्रकाशित: २ फाल्गुन २०८१, शुक्रबार
