आगामी आईफोन एसई को प्रोटेक्टिभ केस लीक, नयाँ डिभाइसलाई  आईफोन १६ई भनिने सम्भावना

काठमाडौं ।

एप्पलले यस वर्ष अन्ततः नयाँ आईफोन एसई लन्च गर्दैछ भनि धेरै अफवाहहरूले अहिलेसम्म दावी गरेका छन्। एप्पलले यस अघि सन् २०२२ मा आईफोन एसई ल्याएको थियो। एप्पलले नयाँ डिभाइसलाई आईफोन एसई मात्र भनेर कल गर्ने अपेक्षा गरिको छ र एप्पलले अहिलेसम्म आफ्ना सबै डिभाइसका पूर्ववर्तीहरूलाई त्यसै गर्ने गरेको छ। यद्यपि एक्सकमा एक टिपस्टरले यस पटक चीजहरू फरक हुने दाबी गरेको एउटा नयाँ अफवाह बाहिरिएको छ।

यो नयाँ डिभाइसलाई आईफोन एसई नभएर त्यसको सट्टामा आईफोन १६ई भनिने उल्लेख गरिएको छ। नाम अनुसार, एसईलाई मुख्य आईफोन परिवारमा ल्याउँदा त्यो निश्चित रूपमा एक चाखलाग्दो चाल हुने बताइएको छ। अहिलेसम्मका लागि एसई लाइन पूर्ण रूपमा अलग रहेको छ र सधैं अलि बेवास्ता गरिएको महसुस गरिएको छ।

त्यसैगरी आगामी आईफोन १६ई को कथित प्रोटेक्टिभ केस (सुरक्षात्मक कवच) डिजाइन देखा परेको छ। साथै यो नयाँ डिभाइस स्पष्ट रूपमा सेतो र कालो रङ्गमा मात्र आउने उल्लेख गरिएको छ। त्यसबाहेक यस नयाँ डिभाइसको डिजाइनले आईफोन १४ को धेरै सम्झना दिलाउने अफवाह लामो समयदेखि चलिरहेको छ। यसमा पहिलो पटक ओएलईडी स्क्रिन र फेस आईडी हुने उल्लेख गरिएको छ।

कहि दिन अघि आईफोन १६ई को मूल्य निर्धारणको बारेमा जानकारी बाहिरिएका थियो र यो आफ्नो पूर्ववर्ती भन्दा ७० अमेरिकी डलरले महँगो हुने उल्लेख गरिएको छ। साथै यदि उक्त अफवाह सही भएको खण्डमा भने आईफोन १६ई को मूल्य ४९९ अमेरिकी डलरमा सुरु हुनेछ। आईफोन १६ई को ठुलो स्क्रिन, फेस आईडी समर्थन, ८जीबी को र्याम र ए१८ चिपसेट, आईफोन १६ बाट स्वाइप गरिएको ४८ मेगापिक्सेलको मुख्य क्यामरालाई ध्यानमा राख्दा, यो मूल्य निर्धारणको नराम्रो नभएको उल्लेख गरिएको छ।

“मेरो स्रोतले रिपोर्ट गरेको आधारमा, यस्तो देखिन्छ कि एप्पलले २०२५ मा अनावरण गर्ने नयाँ आईफोनलाई आईफोन एसई४ नभई आईफोन १६ई भनिनेछ। यसमा ओएलईडी डिस्प्ले र एक्शन बटन भएको आईफोन १४ जस्तै डिजाइन हुनुपर्छ। उपलब्ध रङ्गहरू सेतो र कालो हुनेछन् ”  भनि टिपस्टर मजिन बुले एक्सकमा उल्लेख गरेको जीएसएमएरिनामा उल्लेख गरिएको छ।