चीनमा एआई विकास गर्न संघर्ष गर्दै एप्पल

काठमाडौं ।

चीनमा एप्पल इन्टेलिजेन्स आईफोनहरूमा चाँडै नआउने भएको द इन्फर्मेसन ले रिपोर्ट गरेको छ। रिपोर्टका अनुसार, एप्पलले प्रम्प्टहरू बुझ्न र सामान्य परिदृश्यहरूमा सही जवाफ र कार्यहरू प्रदान गर्नको लागि बाइडुको एलएलएम (लार्ज ल्याङ्गवेज मोडेल) लाई अनुकूलन गर्न संघर्ष गरिरहेको छ।

एप्पलल आईफोन १६ मा आईओएस १८.१ अपडेटको साथ अक्टोबरमा एआई सुविधाहरू प्रदान गर्नेवाचाका साथ ती डिभाइसहरू लन्च गरेको भए तापनि पछि गएर एप्पलले युरोप र चीनमा एप्पल इन्टेलिजेन्स प्लेटफर्मको लागि हुने ढिलाइमा ब्याकट्य्राक गरेको उल्लेख छ।

त्यसैगरी अमेरिकी कम्पनीले चीनमा अर्को समस्याको पनि सामना गरिरहेको उल्लेख छ। एप्पलको गोपनीयता नीतिले एआई–सम्बन्धित प्रश्नहरू गर्ने आईफोन प्रयोगकर्ताहरूबाट डाटा सङ्कलन गर्न अनुमति दिँदैन। यद्यपि, बाइडु भने डाटालाई “विश्लेषण र यसको एआई सुधार गर्न“ को लागी बचत गर्न चाहन्छ भनि जीएसएमएरिनाले उल्लेख गरेको छ।

उक्त मोडेलको नाम ‘अर्नी ४.०’ हो र यो मोडेल बाइडुको सबैभन्दा उन्नत मोडेल भएको बताइएको छ। साथै एप्पलले उक्त मोडेल आईफोन, म्याक, र आईप्याड डिभाइसहरूमा जेनेरेटिभ एआईको लागि प्रयोग गर्न चाहेको उल्लेख गरिएको छ। यसबाहेक एलएलएमलाई सिरीमा समावेश गर्ने एप्पलको योजना भएको थप उल्लेख गरिएको छ।