काठमाडौं ।
दक्षिण कोरियाली इलेक्ट्रोनिक्स निर्माता सामसङ इलेक्ट्रोनिक्सलाई अमेरिकामा पेटेन्ट उल्लङ्घन गरेको आरोपमा करिब ११ करोड ८० लाख डलर जरिवाना गरिएको छ। केसले उच्च प्रदर्शन मेमोरी चिपहरूमा डाटा प्रोसेसिङ सुधार गर्न प्रविधिसँग सम्बन्धित छ। सामसङले यो जरिवाना कम्प्युटर मेमोरी फर्म नेटलिस्टलाई तिर्नुपर्नेछ।
गत वर्ष पनि नेटलिस्टसँग सम्बन्धित मुद्दामा कम्पनीलाई ३० करोड डलरभन्दा बढी तिर्न आदेश दिइएको थियो। यसबाहेक नेटलिस्टले केही महिनाअघि चिप निर्माता माइक्रोनबाट ४४ करोड डलरभन्दा बढी क्षतिपूर्ति पाएको थियो ।
अमेरिकाको टेक्सासको अदालतमा यो मुद्दामा फैसला दिने जूरीले सामसङले जानीजानी यो पेटेन्ट उल्लंघन गरेको पत्ता लगाएको छ। जसका कारण न्यायाधीशले जरिवाना तीन गुणासम्म बढाउन सक्नेछन्।
नेटलिस्टले करिब दुई वर्षअघि सामसङविरुद्ध कानुनी मुद्दा दायर गरेको थियो । कम्प्युटिङ सर्भर र अन्य डाटा-सम्बन्धित टेक्नोलोजीहरूमा प्रयोग हुने सामसङको मेमोरी मोड्युलले यसको प्याटेन्ट उल्लङ्घन गरेको आरोप लगाइएको थियो।
नेटलिस्टले भन्यो, “यसको आविष्कारहरूले मेमोरी मोड्युलको शक्ति दक्षता बढाएको छ, जसले प्रयोगकर्ताहरूलाई छोटो अवधिमा ठूलो मात्रामा डाटाबाट उपयोगी जानकारी निकाल्न अनुमति दिएको छ।”
तर, सामसङले प्याटेन्ट उल्लङ्घनको आरोप अस्वीकार गरेको छ। कम्पनीले पेटेन्ट वैध नभएको र यसको प्रविधिले नेटलिस्टको आविष्कारभन्दा फरक काम गरेको तर्क गर्यो।
अर्कोतर्फ, सामसङले पनि अमेरिकाको डेलावेयरमा नेटलिस्टविरुद्ध कानुनी मुद्दा दायर गरेको थियो। यसमा नेटलिस्टले अन्तर्राष्ट्रिय मापदण्डअनुरुप आवश्यक पर्ने प्रविधिको निष्पक्ष लाइसेन्स दिने दायित्व उल्लङ्घन गरेको आरोप लागेको थियो।
प्रकाशित: ११ मंसिर २०८१, मंगलवार
