काठमाडौं ।
अमेरिकी उपकरण निर्माता एप्पलले आइफोन उत्पादनका लागि चीनमाथिको निर्भरता घटाउने तयारी गरेको छ। यसका लागि कम्पनीले भारतमा आफ्नै आपूर्ति श्रृंखला बनाउने योजना बनाएको छ।
पछिल्ला केही वर्षदेखि, एप्पलले चीनमा रहेको आफ्नो उत्पादनको केही अंश अन्य देशहरूमा सार्न काम गरिरहेको छ।
कम्पनीको योजनाको जानकारी भएको स्रोतलाई उद्धृत गर्दै एक भारतीय मिडिया रिपोर्टमा भनिएको छ कि एप्पलले भारतका ४० भन्दा बढी इलेक्ट्रोनिक्स उत्पादन सेवा (ईएमएस) फर्महरूसँग कुरा गरेको छ। यसमा एम्बर इन्टरप्राइजेज र एचसीएलटेक समेत समावेश छन्।
एप्पलका चिनियाँ आपूर्तिकर्ताहरू भिसा मुद्दाहरू र देशमा केही चिनियाँ फर्महरू विरुद्ध मुद्दाहरूका कारण आफ्नो इकाईहरू स्थापना गर्न अनिच्छुक भएको रिपोर्टमा उल्लेख छ। चिनियाँ आपूर्तिकर्ताबाट ब्याट्री, चार्जर र अन्य कम्पोनेन्ट आयात गर्न सरकारबाट स्वीकृति लिन ढिलाइ भइरहेको पनि प्रतिवेदनमा उल्लेख छ। यसै कारणले पनि एप्पलले भारतबाट स्थानीय तहमा थप कम्पोनेन्ट खरिद गर्ने विचार गरिरहेको छ।
तर, देशमा कम्पोनेन्ट उत्पादन गर्नु कम्पनीका लागि चुनौती हुन सक्छ। यसका लागि कम्पनीले भारतीय कम्पनीहरूलाई ताइवान, चीन, जापान र दक्षिण कोरियाका फर्महरूसँग गठबन्धन गर्न प्रोत्साहित गरेको छ।
गत आर्थिक वर्षमा भारतमा एप्पलको राजस्व झण्डै ३६ प्रतिशतले बढेर ६७ हजार १२१ करोडभन्दा बढी पुगेको छ। एप्पलको बिक्री र आम्दानीमा आईफोनको ठूलो हिस्सा छ।
प्रकाशित: ११ मंसिर २०८१, मंगलवार
