एप्पलको स्मार्ट ग्लासेस परियोजनाको थालनी

काठमाडौं ।

यस वर्षको सुरुवातमा एप्पलले आफ्नो बहु प्रतिक्षित भिजन प्रो लन्च ग¥यो जुन पूर्ण रूपमा सफल उत्पादन बन्न सकेन। त्यसैले एप्पलले अब वेयरेबल टेक उद्योगलाई पुनः परिभाषित गर्ने लक्ष्य राख्दै गेम चेन्जिङ (खेल–परिवर्तन गर्ने) स्मार्ट ग्लासेस परियोजनामा आफ्नो ध्यानहरू सेट गरिरहेको रिपोर्टहरूले सुझाव दिएको उल्लेख छ।

एपलको सेक्रेट स्मार्ट ग्लासेस प्रोजेक्ट (परियोजना)
टेक जष्यन्ट यस प्रोडक्टको सटीक विवरणहरूको बारेमा मौन रहेको उल्लेख गरिएको छ। कम्पनीले स्मार्ट ग्लासेसमा अन्तरदृष्टि सङ्कलन गर्न कोड नाम “एटलस” अन्तर्गत आन्तरिक फोकस समूहहरू सञ्चालन गरिरहेको र यसको प्रोडक्ट सिस्टम क्वालिटी (उत्पादन प्रणाली गुणस्तर) टोलीले पहलको नेतृत्व गरिरहेको हालैका रिपोर्टहरूले सुझाव दिएका छन्। गत हप्ता सुरु भएको यो अनुसन्धानले उपभोक्ताको प्राथमिकता र बजार प्रवृतिहरूमा कर्मचारीहरूबाट प्रतिक्रिया सङ्कलन समावेश गर्दछ भने थप अध्ययनहरू चाँडै नै योजना हुने उल्लेख गरिएको छ।

यो रणनीतिक चालले कम्पनीको यस अघिका प्रोडक्टहरू जस्तै एयरपड्स, होमपड र भर्खरै अनावरण गरिएको भिजन प्रोसँगको एप्पलको तवरलाई प्रतिध्वनित गर्दछ। साथै प्रयोगकर्ताको आवश्यकता र अपेक्षाहरू बुझेर, एप्पलले विद्यमान प्रस्तावहरूलाई उछिनेर वास्तविक एआर अनुभव प्रदान गर्ने लक्ष्य राखेको उल्लेख छ।

यद्यपि, स्मार्ट ग्लासेसका लागि एप्पलको भिजन (दृष्टिकोण) लाई साकार पार्ने बाटो लामो भएको उल्लेख गरिएको छ। मेटा र स्न्याप जस्ता प्रतिस्पर्धीहरूले उपभोक्ताका लागि स्मार्ट ग्लासेसहरू प्रस्तुत गरिसकेका छन् र प्रोटोटाइपहरू प्रारम्भिक विकास चरणहरूको साथमा तिनीहरूको वास्तविक एआर ग्लासेसहरू आउने तयारिमा रहेका छन्।

यद्यपि, एप्पलको कडा गुणस्तर मापदण्ड र अत्याधुनिक प्रविधिको खोजीले गर्दा यसको लन्च मिति कम्तिमा पनि पाँच वर्ष पर धकेलिन सक्ने उल्लेख गरिएको छ। महत्त्वपूर्ण चुनौतिहरूको बावजुद, प्राविधिक अवरोधहरू पार गर्न र सहज, प्रयोगकर्ता–मैत्री अनुभव प्रदान गर्न अनुसन्धान र विकासमा ठूलो लगानी गर्दै एप्पल निडर रहेको उल्लेख गरिएको छ।

सम्भावित तवरमा हल्का, स्टाइलिश चश्माको जोडी सिर्जना गर्ने तरिका समावेश रहेको र स्मार्टफोनको प्रशोधन शक्तिलाई समृद्ध एआर अनुभव प्रदान गर्नको लागि जुन आईफोनसँग निर्बाध रूपमा एकीकृत हुने बताइएको छ। साथै यो रणनीतिले विकास प्रक्रियालाई गति दिन र सहज प्रयोगकर्ता अनुभव सुनिश्चित गर्न मद्दत गर्ने सक्ने थप उल्लेख गरिएको छ।

यद्यपि, अन्तिम लक्ष्य भनेको अतुलनीय स्वतन्त्रता र लचिलोपन प्रदान गर्दै स्वतन्त्र रूपमा सञ्चालन गर्न सक्ने स्मार्ट ग्लासेसको पूर्ण रूपमा स्ट्यान्डअलोन जोडी विकास गर्नु भएको उल्लेख गरिएको छ। यो लक्ष्य प्राप्त गर्न, एप्पलले ब्याट्री टेक्नोलोजी, चिप डिजाइन र डिस्प्ले टेक्नोलोजीमा महत्त्वपूर्ण प्रगति गर्न आवश्यक रहेको उल्लेख छ।

यसैबीच, एप्पलले कथित रूपमा सन् २०२५ सम्म वा सन् २०२६ को सुरुमा भिजन प्रो २ रिलिज गर्ने तयारी गरेको छ। साथै भिजन प्रो २ को अगमेन्टेड रियालिटी क्षमताहरूलाई बढावा दिन शक्तिशाली एम५ चिप फिचर गरिने बताइएको छ। नयाँ भिजन प्रो मोडेलले आफ्नो पूर्ववर्ती डिजाइनलाई कायम राख्ने भए तापनि थप परिष्कृत र इमर्सिभ अनुभव प्रदान गर्ने लक्ष्य राखेको गीज्मोचाइनाले उल्लेख गरेको छ।