काठमाडौं ।
सामसङले एन्ड्रोइड १७ मा आधारित वन यूआई ९ को स्थिर अपडेट ग्यालेक्सी एस२३, ग्यालेक्सी एस२३ प्लस, ग्यालेक्सी एस२३ अल्ट्रा, ग्यालेक्सी जेड फोल्ड५ र ग्यालेक्सी जेड फ्लिप५ का लागि जारी गरेको छ।
ग्यालेक्सी एस२३ सिरिजका लागि जारी अपडेटको बिल्ड संस्करण जीजेडआईएफ छ। बिटा कार्यक्रममा सहभागी प्रयोगकर्ताले ५०० एमबीभन्दा कम आकारको अपडेट डाउनलोड गर्नुपर्नेछ। तर, बिटा कार्यक्रममा सहभागी नभएका प्रयोगकर्ताले करिब ३ जीबीको अपडेट डाउनलोड गर्नुपर्नेछ।
जीएसएमएरिनाका अनुसार ग्यालेक्सी एस२३ सिरिजका लागि वन यूआई ९ को स्थिर अपडेट दक्षिण कोरियामा बिटा कार्यक्रममा सहभागी प्रयोगकर्तालाई उपलब्ध गराउन थालिएको छ। यो अपडेट चाँडै दक्षिण कोरियाका अन्य प्रयोगकर्ता र अन्य क्षेत्रका प्रयोगकर्ताका लागि पनि उपलब्ध हुने अपेक्षा गरिएको छ।
सामसङ ग्यालेक्सी जेड फोल्ड५ र ग्यालेक्सी जेड फ्लिप५ मा पनि दक्षिण कोरियामा वन यूआई ९ को स्थिर अपडेट जारी गरिएको छ।
दक्षिण कोरियामा रहेका र माथि उल्लेखित स्मार्टफोन प्रयोग गरिरहेका प्रयोगकर्ताले अहिलेसम्म अपडेट प्राप्त नगरेको अवस्थामा फोनको सेटिङ्स मा गएर सफ्टवेयर अपडेट विकल्पमार्फत म्यानुअल रूपमा जाँच गर्न सक्नेछन्।
प्रकाशित: ३० आश्विन २०८३, शुक्रबार
