टिकटकमा अब स्पोटिफाई र एप्पल म्युजिकबाट ट्र्याकहरू पोस्ट गर्न सकिने

काठमाडौं ।

धुनहरूसँग सम्बन्धित रहेको सामाजिक नेटवर्क टिकटकमा स्ट्रिमिङ सेवाहरूबाट सीधा तवरमा अडियो पोस्ट गर्न सकिने भएको छ। नयाँ फिचर ‘सेयर टु टिकटक’ ले एप्पल म्युजिक र स्पोटिफाईका श्रोताहरूलाई भिडियो प्लेटफर्ममा संगीत साझेदारी गर्न दिनेछ।

साथै उक्त टुलले टिकटक फिडमा एफवाईपी वा स्टोरिजमा ट्र्याक, एल्बम, प्लेलिस्ट वा अन्य कन्टेन्ट (सामग्री) पोस्ट गर्न सक्ने उल्लेख गरिएको छ। यसबाहेक स्ट्रिमिङ अडियो म्याटेरियल (सामग्री) लाई टिकटक डीएम मार्फत पनि साझेदारी गर्न सकिने इनग्याजेटले उल्लेख गरेको छ।

अडियो पत्ता लगाउन र साझेदारी गर्नका लागि टिकटक लोकप्रिय स्थान बनेको भए तापनि कम्पनीले भने हालै आफ्नो टिकटक म्युजिक प्लेटफर्म यस महिनाको अन्त्यमा बन्द हुने घोषणा गरेको छ।

साथै यो सेवा अमेरिकामा भने अहिले सम्म पनि लन्च भएको छैन। त्यसैगरी व्यवसायले सम्भावित सुरक्षा खतराको साथै आफ्ना प्रयोगकर्ताहरूमा लत व्यवहारलाई प्रोत्साहन गर्ने कारणले गर्दा छानबिनको सामना गरेको छ।

अमेरिकाले एपलाई प्रतिबन्ध लगाउने विचार गरेको छ भने क्यानडाले पनि हालै टिकटकलाई आफ्नो घरेलु अपरेशनहरू बन्द गर्न आदेश दिएको छ।