एप्पलले सोमबारबाट म्याक घो‍षणा सप्ताह शुरु गर्ने

यस महिनाको सुरुमा एप्पलले नयाँ आईप्याड मिनी सार्वजनिक गर्‍यो र यस हप्ता बजारमा ल्यायो। योसँगै अब क्युपरटिनो कम्पनी आफ्नो ध्यान म्याकहरूतिर केन्द्रित गर्दैछ र यसका लागि पूरै हप्ता नयाँ घोषणा तयार गरेको छ।

जीएसएमएरिनाका अनुसार एप्पलका मार्केटिङका एसभीपी ग्रेग जोस्वियाकले एक्समा पोस्ट गरिएको एउटा टीजरमा पश्चिमी समय अनुसार घोषणा सोमबार बिहान सुरु हुने बताए।

के कस्तो अपेक्षा गर्न सकिन्छ?

केही समय अघि ब्लूमबर्गका मार्क गर्मनले एप्पलले एम४ चिपसहितको नयाँ म्याक मिनी निर्माण गरिरहेको रिपोर्ट गरेका थिए। यो वर्तमान मिनीभन्दा अझ सानो हुने र लगभग एप्पल टिभी फोरकेको आकारको हुने अनुमान छ।

यसका साथै अन्य म्याकहरूमा पनि एप्पल एम४ चिप समावेश हुनेछ। किनकि हाल एम४ केवल २०२४ को आईप्याड प्रोमा मात्र प्रयोग गरिएको छ। यसमा नयाँ १४ र १६ इन्चको म्याकबुक प्रो र नयाँ आईम्याक पनि समावेश हुने सम्भावना छ।

एप्पलले एम४ को थप पावरफुल प्रो र म्याक्स संस्करण पनि प्रस्तुत गर्ने अपेक्षा गरिएको छ। केही स्रोतहरूका अनुसार नयाँ म्याकबुक प्रो र म्याक मिनीमा साधारण एम४ र एम४ प्रो चिपहरूको विकल्प रहनेछ भने ल्यापटपहरूमा एम४ म्याक्सको विकल्प पनि उपलब्ध हुने सम्भावना रहेको जीएसएमएरिनाले जनाएको छ।

हामीले अर्को हप्ता नदेख्ने अनुमान गरेका मोडेलहरूमा म्याकबुक एयर, म्याक स्टुडियो र म्याक प्रो समावेश छन् जुन अर्को वर्षका लागि बाँकी रहने अपेक्षा छ।