त्रिवि आमसञ्चार केन्द्रीय विभागद्वारा अडियो भिजुअल एयर ल्याब स्थापनाका लागि दोस्रोपटक बोलपत्र आह्वान

काठमाडौं ।

त्रिभुवन विश्वविद्यालय पत्रकारिता तथा आमसञ्चार केन्द्रीय विभागले अडियो भिजुअल एयर ल्याब स्थापनाका लागि दोस्रोपटक बोलपत्र आह्वान गरेको छ।

विभागले बोलपत्रसम्बन्धी सूचनामाअडियो भिजुअल एयर ल्याबको आपूर्ति, डेलिभरी तथा इन्स्टलेशन तत्कालै गर्नुपर्ने भएकोले यससँग सम्बन्धित इच्छुक इजाजत प्राप्त फर्म/कम्पनीहरूबाट यस विभागको बोलपत्रसम्बन्धी विस्तृत दस्तावेजका शर्तहरूको अधीनमा रहेर उपकरण तथा सामग्री आपूर्ति गरी स्टुडियो निर्माण गर्ने प्रयोजनका लागि बोलपत्र पेश गर्न आह्वान गरेको हो।

प्रथम पटक राष्ट्रिय दैनिक गोरखापत्रमा सूचना प्रकाशित गरी शिलबन्दी बोलपत्र आह्वान गरिएकोमा कुनै फर्म वा कम्पनीका तर्फबाट उपरोक्त बमोजिमको शिलबन्दी बोलपत्र नपरेको हुँदा दोस्रो पटक शिलबन्दी बोलपत्र आह्वान गरिएको विभागले जनाएको छ।

विभागले आह्वान गरेको टेण्डरको विवरण यसप्रकार छ:

ठेक्काको नाम: The Supply, Delivery and Installation of Audio-Visual Air Lab

ठेक्का नम्बर: CDJMC /AV/02/2081/082

बोलपत्र जमानत रकम: रू. ४८,०००/-

बैंकको नामः नेपाल बैंक लिमिटेड, कान्तिपथ, काठमाडौं।

बैंक खाता नम्बर: २१७००१००१९३६१६०००००१

दरभाउपत्र फाराम शुल्कः रू. १,०००/-

दरभाउपत्र खरिद गर्ने अन्तिम मिति र समयः २०८१०७१२ गते दिनको १२:०० बजेसम्म।

दरभाउपत्र बुझाउने अन्तिम मिति र समयः २०८१०७१२ गते दिनको १३:०० बजेसम्म।

दरभाउपत्र खोल्ने मिति र समयः २०८१०७१२ गते दिनको १४:०० बजे।

विभागले यससम्बन्धी विस्तृत जानकारीका लागि त्रिभुवन विश्वविद्यालय, पत्रकारिता तथा आमसञ्चार केन्द्रीय विभागको कार्यालय, क्यामेरा भवन, बल्खु, काठमाडौंमा कार्यालय समयभित्र उपस्थित भई वा टेलिफोन नंबर ९७७-०१-५३५५२१२ मार्फत सम्पर्क गर्न सकिनेछ पनि सूचनामा उल्लेख गरेको छ।