एप्पलले अन्ततः आईफोन १७ प्रो मोडेलहरूको लङ्ग–रेञ्ज जुम सुधार गर्ने सम्भावना

काठमाडौं ।

एप्पलले केही साना हार्डवेयर अपग्रेडहरूको साथसाथै थप एआई फिचर्सहरू रोल आउट गर्ने वाचाको साथ आईफोन १६ लाइनअप रिलिज गरेको थियो।

साथै डीएक्सओमार्कद्वारा गरिएको भर्खरको क्यामरा परीक्षणले आईफोन १६ प्रो म्याक्सले कसरी आफ्ना केही चिनियाँ समकक्षहरूसँग डिटेल्स (विवरणहरू) कायम राख्न र विशेष गरी टेलिफोटोसँग प्रतिस्पर्धा गर्न संघर्ष गरिरहेको छ भनेर देखाएको छ।

टेलिफोटो सेन्सरको १२–मेगापिक्सेलको रेजोल्युसन यसको एक कारण भएको र जुन प्रयोगकर्ताले सेन्सरमा क्रप गर्न थालेपछि छिट्टै डिटेल (विवरण) गुमाउन थाल्छ भनी गीज्मोचाइनाले उल्लेख गरेको छ।

आईफोन १७ प्रो मोडेलहरूमा ४८–मेगापिक्सेलको टेलिफोटो फिचर गरिने

भर्खरको समाचार अनुसार आईफोन १७ प्रो र आईफोन १७ प्रो म्याक्स गरी दुवै मोडेलहरूले ४८–मेगापिक्सेल पेरिस्कोप टेलिफोटोको साथमा २४–मेगापिक्सेलको फ्रन्ट क्यामरा फिचर गर्ने विश्लेषक जेफ पुले फेरि पनि आफ्नो अघिल्लो दावीलाई दोहोर्याएका छन्।

हाई–रिजोल्युसनको टेलीफोटो लेन्स प्रयोग गर्दा ५×–जूमभन्दा पर खिचिएका तस्बिरहरूमा डिटेल (विवरण) को स्तर निश्चित रूपमा सुधार गर्नेछ। त्यसका साथै हालको आईफोन १६ मोडलहरूमा पनि १२–मेगापिक्सेलको सेल्फी क्यामरा रहेको हुनाले यसमा पनि सुधारहरू गरिनुपर्ने अपेक्षा गरिएको छ।

त्यसबाहेक मुख्य क्यामरा भने आईफोन १६ प्रो मोडेलहरूको जस्तै रहनेछ र जुन आईफोन १५ प्रो मोडेलहरूमा पनि उही मुख्य क्यामरा रहेको गीज्मोचाइनाले उल्लेख गरेको छ।

साथै ईमेज प्रोसेसिङ्गमा एनहान्समेन्टमा मात्र भर पर्दै एप्पलले आईफोन १७ प्रो मोडेलहरूको २४एमएम–१२०एमएम फोकल लेन्थ रेञ्ज (मुख्य क्यामरा) भित्र कत्तिको सुधार प्रदान गर्नेछ भनेर हेर्नको लागि भने पर्खनु पर्नेछ।

त्यसैगरी विश्लेषकले आईफोन १७ प्रो मोडलहरू १२जीबी र्यामसँग सुसज्जित हुने अपेक्षा पनि राखेका छन् जुन आईफोन १६ प्रो मोडलहरूमा रहेको ८जीबी बाट माथि उठेर अझ जटिल अन–डिभाइस एआई प्रोसेसिङ्गलाई थप राम्रोसँग समर्थन गर्न सक्नेछ।

साथै आंशिक रूपमा एप्पल इन्टेलिजेन्स सुविधाहरूको कारणले नन्–प्रो आईफोन १५ मोडेलहरूमा रहेको ६जीबी बाट वृद्धि गर्दै एप्पलले आईफोन १६ सिरिजको सबै मोडेलहरूमा ८जीबी र्यामको लागि चयन गरेको छ।

डिभाइसको अगाडिको सन्दर्भमा आईफोन १७ प्रो म्याक्सले “धेरै न्यारो डायनामिक आइल्याण्ड” फिचर गर्ने विश्लेषक विश्वास गरेका छन् र जसको फलस्वरूप डिभाइसले फेस आईडी सिस्टमको लागि सानो “मेटलेन्स” अपनाउनेको छ।

साथै यदि यो सत्य भएको खण्डमा भने सन् २०२२ मा आईफोन १४ प्रो मोडेलहरूमा डेब्यु गरेको डायनामिक आइल्याण्डको लागि यो पहिलो आकार घटाउने कार्य हुनेछ।