दुईओटा इन्टरनेट सेवा प्रदायकको अनुमति पत्र खारेज

काठमाडौं ।

नेपाल दूरसञ्चार प्राधिकरणले दुईओटा इन्टरनेट सेवा प्रदायकको अनुमति पत्र खारेज गरेको छ। प्राधिकरणले सोमबार सूचना जारी गर्दै इमेलसहितको सेवा दिने सी.डाटा कम्युनिकेसन प्रालि र लाइफ नेट प्रालिको अनुमति पत्र खारेज गरेको जानकारी दिएको छ।

वीरगञ्जस्थित सी डाटा कम्युनिकेसनले अनुमतिपत्रको सर्त बमोजिम सेवा सञ्चालन नगरेको हुँदा अनुमतिपत्र दूरसञ्चार ऐन, २०५३ को दफा २८ बमोजिम कार्तिक दुई गते देखि नै लागू हुने गरी खारेज गरिएको प्राधिकरणले जनाएको छ।

अर्कोतर्फ, सुर्खेत स्थित लाइफ नेटले भने नविकरणका लागि तोकिएको समयावधि भित्र निवेदन पेश नगरेकोले दुरसञ्चार ऐन २०५३ को दफा २५ बमोजिम भदौ अन्तिमबाट स्वत रद्ध भएको जनाएको छ।

सो कम्पनीले आगामी ३० दिन भित्रमा नियमानुसार नविकरण शुल्क तिर्न बुझाउनु सक्ने प्राधिकरणले जनाएको छ।

सी डाटा कम्युनिकेसनले २०७६ माघ १९ गते र लाइफ नेटले प्राधिकरणबाट २०७६ भदौ ३० मा सेवा संचालनको लागि अनुमति पत्र पाएको थियो।