आईफोन १७ प्रो ले तीनओटा असामान्य भाइब्रेन्ट कलरहरू प्रस्तुत गर्ने

काठमाडौं ।

एप्पलले नन्–प्रो आईफोन १६ मोडेलहरूको लागि केही भाइब्रेन्ट कलर (जीवन्त रङ्ग) विकल्पहरूको चयन गरेको जनाइएको छ। साथै नयाँ लीकले अर्को वर्षको प्रो आईफोनहरूको लागि केही असामान्य भाइब्रेन्ट कलरहरूमा संकेत गरेको छ।

आईफोन १७ प्रोको लागि छनौट गरिएको कलर (रङ्ग) विकल्पहरूमा टील टाइटेनियम, ग्रिन (हरियो) टाइटेनियम र डार्क ग्रिन (गाढा हरियो) टाइटेनियम समावेश हुन सक्ने लीकर माजिन बुले उल्लेख गरेका छन्।

यद्यपि अर्को वर्षको प्रो आईफोनहरूको लागि उल्लेखित रङ्गहरू अपनाउने कुरा अझै अनिश्चित रहे तापनि लीकरले भने टील टाइटेनियमको लागि उच्च सम्भावनाको सुझाव दिएका छन्। आईफोन १६ र आईफोन १६ प्लसमा पनि टील जस्तो समान विकल्प प्रदान गरिएको हुनाले टील टाइटेनियमको उच्च सम्भावनाको रहेको उल्लेख गरिएको छ।

यद्यपि, गीज्मोचाइनाका अनुसार एप्पलले सामान्यतया आफ्नो प्रो आईफोनहरूलाई भाइब्रेन्ट कलरहरू विकल्पहरूमा प्रदान नगर्ने गरेको हुनाले यो अफवाह विशेष रूपमा चाखलाग्दो भएको उल्लेख गरिएको छ।

यद्यपि एप्पलले आफ्नो रणनीति परिवर्तन गर्ने बारे यस बिन्दुमा भने अनिश्चित रहेको छ। त्यसैगरी आईफोन १६ प्रो मोडेलहरू ब्ल्याक (कालो), ह्वाइट (सेतो), गोल्ड (सुन) र ग्रे (खैरो) रङहरूमा उपलब्ध रहेका छन्।

एप्पलले आईफोन १७ लाईनअपमा ठूलो परिवर्तन गर्ने देखिएको छ।
एप्पलले उल्लेखनीय रूपमा आगामी आईफोनहरूको बहु पक्षहरूमा केही प्रमुख परिवर्तनहरू गरिरहेको जस्तो देखिएको जनाइएको छ। उदाहरणका लागि, आईफोन १६ प्रो मोडेलहरूले अर्को बटन रिफ्रेस प्रदान गर्ने अफवाह रहेका छन्। कम्पनीले एक्शन बटन र भोल्युम बटनहरू प्रतिस्थापन गर्न सक्ने नयाँ बटनमा काम गरिरहेको बताइएको छ।

क्यामराको कुरा गर्दा, आईफोन १७ प्रो म्याक्स तीनवटा ४८ मेगपिक्सलको क्यामरा भएको पहिलो आईफोन हुने अफवाह रहेको उल्लेख गरिएको छ। आईफोन १७ लाईनअपले नयाँ ‘एयर’ वा ‘स्लिम’ मोडेल पनि समावेश गर्न सक्ने जनाइउको छ जुन अहिलेसम्म नन्–प्रो आईफोन मोडेलहरू भन्दा फरक रहेको र यसबाहेक १२० हर्ज रिफ्रेस रेट फिचर गरिने थप उल्लेख गरिएको छ।

एप्पलले आईफोन १६ सिरिज डिभाइसहरूको माग उल्लेखनीय नदेखेको जनाइएको छ। त्यसैले आईफोन १७ लाइनअपले अन्ततः उपभोक्ताहरूको ध्यान तान्नको लागि रोचक कुरा प्रस्ताव गर्नेछ वा छैन भन्ने कुरो समयले बताउनेछ।

पर्फमेन्सको सन्दर्भमा, एप्पलले सम्भवतः थप उन्नत एआई फिचर्स (सुविधाहरू)मा ध्यान केन्द्रित गर्ने र कामको बोझलाई ह्यान्डल गर्न सक्ने चिपसेट प्याक गर्ने जनाइएको छ।

त्यसैगरी फोनहरू १२ जीबी र्याम प्याक गर्ने अफवाह पनि रहेको छ जुन थप उन्नत एआई फिचर्सहरूको लागि महत्त्वपूर्ण रहेको उल्लेख गरिएको छ। बढी सक्षम चिपसेट र थप र्याम बाहेक आईफोन १७ लाईनअपले राम्रो–दिगो पर्फमेन्सकोको लागि उपयुक्त कूलिङ प्रणाली पनि समावेश गरिने गीज्मोचाइनाले उल्लेख गरेको छ।