काठमाडौं ।
ताइवानको कम्पनी फक्सकनले मेक्सिकोमा संसारको सबैभन्दा ठूलो फ्यासिलिटी बनाउँदैछ जहाँ अमेरिकी कम्पनी एनभिडियाको जीबी२०० सुपरचिपहरू उत्पादन गरिनेछ।
यी चिपहरू एनभिडियाको नेक्स्ट-जेनेरेशन ब्ल्याकवेल कम्प्युटिङ प्लेटफर्मको मुख्य भाग रहेका फक्सकनका वरिष्ठ अधिकारीहरूले मंगलबार जानकारी दिएका छन्।
विश्वको सबैभन्दा ठूलो कन्ट्र्याक्ट इलेक्ट्रोनिक्स निर्माता र एप्पलको सबैभन्दा ठूलो आईफोन एसेम्ब्लरको रूपमा चिनिने फक्सकनले एआईकोवृद्धिबाट फाइदा उठाउँदैछ। यसले एआई काम प्रक्रिया गर्न प्रयोग गरिने सर्भरहरू पनि एसेम्बल गर्दै आएको छ।
“हामी पृथ्वीको सबैभन्दा ठूलो जीबी२०० उत्पादन स्थल निर्माण गर्दैछौं,” फक्सकनका क्लाउड इन्टरप्राइज सोलुसन बिजनेस समूहका वरिष्ठ उपाध्यक्ष बेन्जामिन टिङले भने।
एनभिडियाले अगस्टमा ब्ल्याकवेलका नमूना चिपहरू आफ्ना साझेदार र ग्राहकहरूलाई पठाउन सुरु गरेको थियो, र डिजाइलाई परिमार्जन गरेकोपछि चौथो त्रैमासिकमा यी चिपहरूबाट अर्बौं डलर आम्दानी हुने अपेक्षा गरेको थियो।
टिङका अनुसार एनभिडियासँगको साझेदारी अत्यन्त महत्त्वपूर्ण छ र सबैले एनभिडियाको ब्ल्याकवेल प्लेटफर्मको माग गरिरहेका छन्। “माग अत्यधिक ठूलो छ,” टिङले ताइपेईमा फक्सकनको वार्षिक प्राविधिक कार्यक्रममा भने, जहाँ एनभिडियाका एआई र रोबोटिक्स उपाध्यक्ष दीपु टल्ला पनि उपस्थित थिए।
रोयटर्सले उल्लेख गरे अनुसार पछिल्लो समयमा सञ्चारकर्मीसँग कुरा गर्दै फक्सकनका अध्यक्ष यङ लिउले मेक्सिकोमा उक्त प्लान्ट निर्माण भइरहेको बताए। उनले उक्त प्लान्टको क्षमता “धेरै ठूलो” हुने पनि उल्लेख गरे, तर थप विवरण भने दिएनन्।
फक्सकनले पहिले नै मेक्सिकोमा ठूलो उत्पादन उपस्थिति राखेको छ, र चिहुआहुआ राज्यमा हालसम्म ५ सय मिलियन डलरभन्दा बढीको लगानी गरेको छ।
कम्पनीका अध्यक्ष यङ लिउले कम्पनीको आपूर्ति श्रृंखला एआई क्रान्तिको लागि तयार रहेको र यसले जीबी२०० सर्भरको संरचनालाई समर्थन गर्न आवश्यक अत्याधुनिक तरल शीतलन र ताप हटाउने प्रविधिहरू समावेश गरेको उल्लेख गरे।
उनले यो त्रैमासिकको लागि कम्पनीको दृष्टिकोण बलियो रहेको बताए, यद्यपि थप विवरण दिएनन्। शनिबार, फक्सकनले एआई सर्भरहरूको बलियो मागका कारण तेस्रो त्रैमासिकको लागि आफ्नो अहिलेसम्मकै उच्च आम्दानी पोस्ट गर्यो।
फक्सकनको अर्को ध्यान उपभोक्ता विशेषगरी एप्पलको लागि इलेक्ट्रोनिक्स उत्पादनको भूमिकाबाट अलग हुने महत्वाकांक्षी योजनाहरूमा केन्द्रित छ। कम्पनीले आफ्नो प्रविधि ज्ञानलाई प्रयोग गरेर विद्युतीय सवारीसाधन (ईभी) निर्माण गर्ने योजना बनाएको छ, जसमा फक्स्ट्रन ब्रान्डले बनाएको मोडेलहरू पनि समावेश हुनेछ।
वैश्विक विद्युतीय सवारीसाधन बजारमा प्रतिस्पर्धा तीव्र हुँदै गएको र माग कम भइरहेको अवस्थामा यसबारे सोध्दा लिउले फक्सकन उक्त क्षेत्रमा प्रतिबद्ध रहेको बताए।
“यो सही दिशा हो, र हामी त्यसतर्फ कडा मेहनत गर्न जारी राख्नेछौं,” उनले भने। विद्युतीय सवारीसाधनसँगै, “इञ्जिनको अवरोध” अब सवारी निर्माणमा छैन। उनले भने, “कार निर्माताहरूले अब पूरै गाडी आफैं बनाउन आवश्यक छैन।”
प्रकाशित: २४ आश्विन २०८१, बिहीबार
