आईफोन १७ स्लिममा नयाँ प्रकारको ओएलईडी डिस्प्ले फिचर गरिने

काठमाडौं ।

पछिल्ला वर्षहरूमा घट्दै गएको आईफोन प्लसको बिक्रीसँगै एप्पलले प्लस लाइनअपलाई थप रोमाञ्चक कुराको साथ प्रतिस्थापन गर्न खोजिरहेको अफवाहहरू आएका छन्।

नयाँ आईफोन लाइनअपको रूपमा एप्पलले आईफोन १७ स्लिम प्रस्तुत गर्ने जनाइएको छ जुन प्रो म्याक्स सिरिज भन्दा पनि महँगो हुने अफवाह रहेको छ।

डिजिटाईम्स बाट आएको नयाँ जानकारीले आगामी आईफोन १७ स्लिमले एउटा नयाँ प्रकारको ओएलईडी डिस्प्ले फिचर गर्ने जनाएको छ जसले अत्यन्त पातलो निर्माणलाई अनुमति दिने सम्भावना रहेको उल्लेख गरिएको छ।

त्यति प्रख्यात नरहेको एक ताइवानी ब्रान्ड ‘नोभाटेक’ ले भर्खरै नयाँ टीडीडीआई ओएलईडी प्यानल प्रस्तुत गरेको छ जसले टच सेन्सर लेयर (तह) र डिस्प्ले ड्राइभरलाई एक युनिटमा जोड्ने उल्लेख गरिएको छ। साथै टीडीडीआई भन्नाले ‘टच र डिस्प्ले ड्राइभर इन्टिग्रेसन’ हुने जनाइएको छ।

जीएसएमएरिनाका अनुसार यो एक अद्भूत प्रविधि जस्तो नलागे तापनि स्मार्टफोनको मोटाई घटाउँदै केहि मिलिमिटर जोगाउनको लागि यो महत्त्वपूर्ण सावित हुनसक्ने उल्लेख गरिएको छ।

साझेदारीको बारेमा कुनै कुरा पुष्टि नभए तापनि एप्पलले सम्भवतः नोभेटेकलाई आफ्नो आईफोन १७ स्लिमको लागि अर्को वर्ष ओएलईडी प्यानलहरूको आपूर्तिकर्ताको रूपमा प्रयोग गर्ने डिजिटाईम्सले विश्वास व्यक्त गरेका छ।

त्यसैगरी एप्पलले आफ्नो आईफोन लाइनअपमा प्रस्तुत गर्नु अघि अन्य डिभाइसहरूमा नयाँ प्रविधिको परीक्षण गर्ने सम्भावनाको बारेमा समाचार आउटलेटले अनुमान गरेको जनाइएको छ।

उदाहरणका लागि, एप्पल वाचहरू वा आईप्याडहरूले आईफोनहरू भन्दा पहिले टीडीडीआई ओएलईडीहरू प्राप्त गर्न सक्ने थप उल्लेख गरिएको छ।

अहिलेका लागि यी सबै अफवाहहरू मात्र भएकाले स्लिम पूर्ण रूपमा फरक मार्केटिङ नामको साथ पूर्ण रूपमा भिन्न डिजाइनमा आउन सक्ने जनाइएको छ।

उदाहरणका लागि जुलाईको एक लीकले ह्यान्डसेटको पछाडि एउटा मात्र क्यामरा हुने सुझाव दिएको थियो जुन अफवाहको मूल्यलाई ध्यानमा राख्दा त्यति उचित नभएको भनि जीएसएमएरिनाले उल्लेख गरेको छ।