विश्वका विभिन्न देशमा कति पर्छ आईफोन १६ र १६ प्रो स्मार्टफोनहरुको मूल्य?

काठमाडौं ।

एप्पलले भर्खरै ए१८ चिपसेटहरू भएको आईफोन १६ फोनहरू प्रस्तुत गरेको छ। साथै नयाँ एआई–पावर्ड सफ्टवेयर फिचर्स (सुविधाहरू) अर्को महिना निः शुल्क इनेबल्ड (सक्षम) गरिने जनाइएको छ।

जीएसएमएरिनाले संयुक्त राज्य अमेरिका, बेलायत, जर्मनी (जुन सम्पूर्ण ईयूमा समान छ), भारत, चीन र जापानका लागि मूल्यहरू संकलन गरेका जनाएको छ।

मूल्यहरू गत वर्षको तुलनामा अपरिवर्तित रहेको जनाइएको भए तापनि भारत एक अपवाद भएको र भारतमा प्रो भेरियन्टहरूको मूल्यहरू वास्तवमै सस्तो भएको उल्लेख गरिएको छ।

एप्पलले चार वटै आईफोनहरूलाई १२८ जीबी, २५६ जीबी, ५१२ जीबी स्टारेजमा उपलब्ध गराउने जनाएको छ। दोस्रो विकल्प भने यूरो बेस विकल्प भन्दा १०० अमेरिकी डलर/१०० पाउन्ड स्टर्लिंग/१३० महँगो भएको जनाइएको छ र तेस्रो थप २०० अमेरिकी डलर/२०० पाउन्ड स्टर्लिंग बढी पर्ने उल्लेख गरिएको छ।

आईफोन १६ प्रो र आईफोन १६ प्रो म्याक्समा १ टीबी टियर पनि उपलब्ध भएको जनाइएको छ जुन ५१२ जीबी संस्करण भन्दा २००अमेरिकी डलर/२०० पाउन्ड स्टर्लिंग/२५० यूरो बढी महँगो भएको उल्लेख गरिएको छ। यद्यपि आईफोन १६ प्रो म्याक्सको १२८ जीबी संस्करण भने उपलब्ध नहुने उल्लेख गरिएको छ।

आईफोन १६, आईफोन १६ प्लस, आईफोन १६ प्रो र आईफोन १६ प्रो म्याक्स प्राप्त गर्ने पहिलो लहरमा ५८ देश र क्षेत्र रहेको एप्पलले बताएको छ। साथै तिनीहरू यो शुक्रबार सेप्टेम्बर १३ तारिखदेखि प्रि–अर्डर गर्न सकिने जनाइएको छ भने अर्को शुक्रबार सेप्टेम्बर २० तारिखमा उपलब्ध हुने उल्लेख गरिएको छ।

त्यसैगरी दोस्रो लहरमा मकाउ, भियतनाम र थप १९ देश र क्षेत्रहरू पर्छन्। यी बजारहरूले सेप्टेम्बर २७ तारिखदेखि आफ्नो आईफोन १६ डिभाइसहरू प्राप्त गर्ने जीएसएमएरिनाले उल्लेख गरेको छ।

एप्पल आईफोन १६ सिरिज अन्तर्गतक फोनहरूको संसारभरका मूल्यहरू  यस प्रकार छन्: