आईफोन १६ सिरिजमा समावेश भएको एप्पलको नयाँ ए१८ र ए१८ प्रो चिपसेटको यस्तो छ विशेषता

काठमाडौं ।

यस वर्ष एप्पलले एउटा मात्र नभएर दुईओटा पूर्णतया नयाँ चिपसेटहरू- ए१८ र ए१८ प्रो प्रस्तुत गरेको छ। साथै भेनिला आईफोन मोडेलहरूमा विशेष गरी आईफोन १६ र १६ प्लसले पहिलो पटक एक वर्ष पुरानो नभएर पछिल्लो चिपसेट प्राप्त गरेको छ।

एप्पल इन्टेलिजेन्स छाता अन्तर्गत हाई–डिमान्डिङ्ग एआई सम्बन्धित कार्यहरू र फिचरहरू सक्षम गर्नु सायद यसको मुख्य कारण भएको हुन सक्ने जनाइएको छ। यो विशेषता ए१६ बायोनिक मा उपलब्ध छैन्।

नामहरूले सुझाव दिए जस्तै ए१८ प्रो ले आईफोन १६ प्रो र १६ प्रो म्याक्स लाई पावर प्रदान गर्दछ भने नन्–प्रो ए१८ ले आईफोन १६ र १६ प्लस लाई पावर प्रदान गर्नेछ।

एप्पल ए१८ प्रो

ए१८ प्रो ३एनएम म्यानुफ्याक्चरिङ नोडमा निर्मित भए तापनि यो दोस्रो पुस्ताको निर्माण प्रक्रिया भएको हुनाले यो अझ परिष्कृत र प्रभावकारी रहेको जनाइएको छ।

ए१८ प्रो मा “कुनै पनि स्मार्टफोनको सबैभन्दा द्रुत सीपीयू” रहेको र यसमा ६ कोरहरू छन् जसमा दुईवटा मुख्य कोर हेभी लिफ्टिङ गर्ने र चारवटा इनर्जी–इफिसियन्ट कोरहरू रहेको छ। साथै तिनीहरूलाई सँगै राख्दा तिनीहरूले २० प्रतिशत कम पावर प्रयोग गर्दै ए१७ प्रो को सीपीयू लाई १५ प्रतिशतले उछिन्ने उल्लेख छ।

जीपीयू तर्फ यसले डेस्कटप–क्लास आर्किटेक्चर प्राप्त गरेको जनाइएको छ। साथै यसले आफ्नो पूर्ववर्तीलाई २० प्रतिशतले उछिन्न सक्ने र रे ट्रेसिङ दोब्बर छिटो गर्न सक्ने उल्लेख गरिएको छ।

सुधारिएको मेमोरी ब्यान्डविथ र ठूलो क्यास साइजले ए१८ प्रोलाई केही “उन्नत मिडिया” फिचर्स (सुविधाहरू) समर्थन गर्न सघाउने छ। जसमा प्रोमोशन डिस्प्ले सपोर्ट, अलवेज अन–डिस्प्ले सपोर्ट, द्रुत यूएसबी ३ स्पिड र प्रोरेस भिडियो रेकर्डिङ समावेश रहेका छन्।

यद्यपि यी सबै सुविधाहरू नियमित आईफोनहरूमा भने उपलब्ध नभएको जनाइएको छ।

त्यसैगरी त्यहाँ नयाँ ईमेज प्रोसेसिङ युनिट पनि रहेको छ जसले क्यामरा पर्फमन्स र भिडियो इनकोडिङको लागि डाटा प्रोसेसिङ सुधार गर्ने उल्लेख छ। साथै उक्त अन्तिम बिट ए१७ प्रो को तुलनामा ए१८ प्रो मा दोब्बर छिटो भएको थप उल्लेख गरिएको छ।

यसका साथै एआई–सम्बन्धित क्षमताहरू पनि अब सबै राम्रो भएका छन्। एनपीयूले ३५ ट्रिलियन प्रति सेकेन्ड सञ्चालन गर्न सक्ने १६ कोरहरू प्राप्त गर्नुका साथै १७ प्रतिशत थप मेमोरी ब्यान्डविथमा पहुँच प्राप्त गरेको जनाइएको छ। साथै यो आफ्नो पूर्ववर्ती भन्दा दोब्बर छिटो र अधिक प्रभावकारी भएको दाबी छ।

एप्पल ए१८

भेनिला ए१८ चिपले पनि नयाँ एनपीयू ट्रिटमेन्ट पाएको उल्लेख गरिएको छ र यो धेरै हदसम्म यसको प्रो सिबलिङ (भाईबहिनी) जस्तै भएको जनाइएको छ।

योसँग समान सेटअपको साथ ६–कोर सीपीयू रहेको छ भने यो भेनिला आईफोन १५ र १५ प्लसमा पाइने गत वर्षको ए१६ बायोनिक भन्दा ३० प्रतिशत छिटो भएको उल्लेख छ। साथै यसले समान वर्कलोडहरूको लागि आफ्नो पूर्ववर्ती भन्दा ३० प्रतिशत कम पावर पनि प्रयोग गर्नेछ।

जीपीयू र ईमेज प्रोसेसिङ क्यापाबिलिटिहरू भित्र भिन्नता रहेको छ। नन्–प्रो ले तथाकथित “उन्नत मिडिया” सुविधाहरू प्राप्त नगरेको जनाइएको छ भने जीपीयू ले ६–कोर सेटअपको सट्टा ५–कोर सेटअप प्राप्त गरेको उल्लेख छ।

यद्यपि यो अझै पनि धेरै छिटो भएको र एप्पलले ए१६ बायोनिकको भन्दा ग्राफिक्स पर्फमेन्समा ४० प्रतिशत लाभ दावी गरेको र ३५ प्रतिशत कम पावर प्रयोग गर्ने उल्लेख गरिएको छ।