टेलिग्रामका सीईओ डुरोभले पहिलो सुनुवाईमा आफ्नो बचाऊ कसरी गरे?

काठमाडौं ।

टेलिग्रामका संस्थापक र सीईओ पावेल डुरोभले मेसेजिङ एपमा आपराधिक क्रियाकलापहरूविरुद्ध लड्नका लागि प्रयासहरू बढाउने वाचा गरेका छन्। आफ्नो पहिलो सार्वजनिक टिप्पणीमा उनले फ्रान्सेली अधिकारीहरूले उनलाई प्लेटफर्मको आपराधिक गतिविधिमा प्रयोग गर्न अनुमति दिएको आरोपमा प्रारम्भिक आरोप लगाएको बताएका थिए।

बिहीबार एउटा टेलिग्राम पोस्ट राख्दै डुरोभले फ्रान्सेली न्यायिक अनुसन्धान विरुद्ध आफुलाई बचाउ गरे साथै उनलाई व्यक्तिगत रूपमा लक्षित गर्नु हुँदैनथ्यो भन्ने संकेत गरे।

“तेस्रो पक्षले प्लेटफर्ममा गरेका अपराधहरूको लागि सीईओमाथि अभियोग लगाउनु गलत दृष्टिकोण हो,” उनले लेखे। “प्रविधि निर्माण गर्नु पहिले नै गाह्रो छ। यदि कुनै नयाँ उपकरणहरूको दुरुपयोग तेस्रो पक्षले गर्छन् तर त्यसका लागि व्यक्तिगत रूपमा उक्त निर्मातालाई जिम्मेवार ठहराइन्छ भने कुनै पनि नवप्रवर्तनकर्ताले कहिल्यै नयाँ उपकरणहरू निर्माण गर्नेछैन ।”

टेलिग्राम “केही प्रकारको अराजक स्वर्ग होइन” भन्नेमा जोड दिँदै डुरोभले टेलिग्राम प्रयोगकर्ताहरूको संख्यामा वृद्धि भएका कारण अपराधीहरूलाई हाम्रो प्लेटफर्मको दुरुपयोग गर्न सजिलो बनाएको विचार व्यक्त गरे।

“त्यसकारण मैले यो मेरो व्यक्तिगत लक्ष्य बनाएको छु कि यस सम्बन्धमा हामीले उल्लेखनीय रूपमा सुधार ल्याउन सुनिश्चित गर्नेछौं। हामीले पहिले नै आन्तरिक रूपमा यो प्रक्रिया सुरु गरिसकेका छौं, र म तपाईंहरूसँग चाँडै नै हाम्रो प्रगतिको थप विवरणहरू साझा गर्नेछु,” उनले भने।

फ्रान्सेली अनुसन्धानकर्ताहरूले अगस्टको अन्त्यमा पेरिस बाहिर ले बर्जेट विमानस्थलमा दुरोवलाई पक्राउ गरेका थिए त्यसपछि चार दिनसम्म सोधपुछ भयो। ५ मिलियन युरो धरौटीमा रिहा भएपछि डुरोभले हप्तामा दुई पटक प्रहरी स्टेशनमा रिपोर्ट गर्नुपर्छ। रुसमा जन्मिएका उनले फ्रान्ससहित धेरै देशको नागरिकता लिएका छन्।

दुरोवविरुद्धको फ्रान्सेली आरोपहरूमा टेलिग्राम बाल यौन दुरुपयोग सामग्री र लागूऔषध तस्करीका लागि प्रयोग भएको, र कानून अनुसार आवश्यक पर्दा अनुसन्धानकर्ताहरूलाई जानकारी वा कागजातहरू साझेदारी गर्न इन्कार गरेको आरोपहरू समावेश छन्।