दक्षिण कोरियामा अब्बल प्रदर्शन गर्ने उबरका सीईओको प्रतिबद्धता

काठमाडौं ।

उबर टेक्नोलोजिज इंकका सीईओले शुक्रबार दक्षिण कोरियाली बजारमा अब्बल प्रदर्शन गर्ने प्रतिबद्धता व्यक्त गरेका छन्। उबर दक्षिण कोरियामा स्थानीय प्रविधि समूह काकाओको तुलनामा कमजोर प्रतिस्पर्धीका रुपमा रहेको छ।

अन्तर्राष्ट्रिय समाचार संस्था रोयटर्सले उल्लेख गरे अनुसार उबरका सीईओले काकाओको तुलनामा कमजोर देखिए पनि आफ्नो प्लेटफर्मले थप ट्याक्सी चालकहरूलाई आकर्षित गर्ने अपेक्षा व्यक्त गरे।

“वास्तविकता के हो भने उबर एप प्रयोग गर्ने ट्याक्सी चालकले बढी पैसा कमाउँछ र बढी व्यस्त रहन्छ,” उबरका सीईओ दारा खोस्रोशाहीले दक्षिण कोरियाकव राजधानी सोउलमा पत्रकारहरूसँग भने, “हामी बजारको तुलनामा धेरै छिटो बढ्दैछौं, र हामीलाई विश्वास छ हाम्रो बजार हिस्सेदारी यहाँबाट मात्र बढ्नेछ।”

काकाओले ट्याक्सी कल सेवाको ९० प्रतिशतभन्दा बढी बजार हिस्सा ओगटेको छ। यो आँकडा जुन एप प्रयोगका आधारमा अनुमान गरिएको हो।