Technology Khabar १ भाद्र २०८१, शनिबार
काठमाडौं ।
दुई महिना अघि अनावरण गरिएको रेडमी ए३एक्स मिडनाइट ब्ल्याक, ओशन ग्रीन, ओलिभ ग्रीन र स्टेरी ह्वाइट गरी चारवटा रङ विकल्पहरूमा भारतमा लन्च गरिएको छ।
यो नयाँ रेडमी ए३एक्स शाओमीको भारतीय वेबसाइट मार्फत ३जीबी/६४जीबी र ४जीबी/१२८जीबी कन्फिगरेसनमा बिक्री गरिने जनाइएको छ। यी भेरियन्टहरुको मूल्य क्रमशः ६ हजार ९९९ भारतीय रुपैयाँ (८५ अमेरिकी डलर/७५ यूरो) र ७ हजार ९९९ भारतीय रुपैयाँ (९५ अमेरिकी डलर/८५ यूरो) कायम गरिएको उल्लेख छ।
रेडमी ए३एक्समा युनिसोक टी६०३ एसओसी (चिपसेट) समावेश गरिएको छ र एमआईयूआई सँग एन्ड्रोइड १४ ओएसजडित हुने जनाइएको छ। साथै शाओमीले दुई प्रमुख एन्ड्रोइड अपडेटहरू र तीन वर्षको सुरक्षा प्याचको प्रतिज्ञा गरेको भए तापनि तिनीहरूको रोलआउटको फ्रिक्वेन्सीको बारेमा भने खुलासा नगरेको उल्लेख छ।
रेडमी ए३एक्स गोरिल्ला ग्लास ३ सुरक्षाको साथमा ६.७१–इन्च ९० हर्ज एचडी+ एलसीडीमा बनाइएको छ भने यसमा १० वाटको चार्जिङ समर्थन गर्ने ५ हजार एमएएच ब्याट्री प्याक राखिएको उल्लेख छ।
साथै स्मार्टफोनको अगाडिपट्टि ५ मेगापिक्सेलको सेल्फी शूटर रहेको र पछाडि डुअल क्यामरा सेटअपमा ८ मेगापिक्सेलको प्राथमिक क्यामरा र सहायक युनिट समावेश गरिएको जनाइएको छ।
रेडमी ए३एक्स का बाँकी हाइलाइटहरूमा ३.५ मिमी हेडफोन ज्याक, एक डेडिकेटेड माइक्रोएसडी कार्ड स्लट, साइड–माउन्टेड फिङगरप्रिन्ट स्क्यानर र यूएसबी–सी पोर्ट समावेश रहेको जीएसएमएरिनाले उल्लेख गरेको छ।
प्रकाशित: १ भाद्र २०८१, शनिबार