कामबाट निकालिएको ईमेलमा ‘सहमति’ नजनाएका कर्मचारीलाई एक्सले ६० करोड डलर तिर्नुपर्ने फैसला

काठमाडौं ।

दुई वर्षअघि एक्सका सीईओ इलन मस्कले ट्विटरका कर्मचारीहरूलाई इमेलमा “एकदम जोखिम” मोडमा काम गर्ने सहमतिका लागि “एस्” बटन थिच्न वा आफ्नो जागिर गुमाउन आदेश दिएको सम्बन्धमा अब कम्पनीले ६० करोड डलर क्षतिपूर्ति तिर्नुपर्ने भएको छ।

आइरिस समाचार सेवा आरटीईका अनुसार यसरी ईमेल प्राप्त गर्नेहरुमध्ये एक कर्मचारीले “एस”  बटन थिचेनका थिएनन्। त्यसका लागि, हालै उनले एउटा ठुलो कानूनी जित हात पारेका हुन् ।

आयरल्यान्डको वर्कप्लेस रिलेशन्स कमिसन डब्लूआरसीले निर्णय गरेको छ कि जुन बेलामा ट्विटरमा वरिष्ठ कार्यकारीका रुपमा रहेका ग्यारी रूनीलाई २०२२ मा मस्कको इमेल अल्टिमेटम मान्न अस्वीकार गरेका कारण अन्यायपूर्ण रूपमा बर्खास्त गरिएको थियो। हालै डब्लूआरसी ५ लाख ५० हजार यूरो अर्थात् करिब ६० करोड अमेरिकी डलर) तिर्न आदेश दिएको हो।

डब्लूआरसीका निर्णय अधिकारी माइकल म्याकनमीले मस्कको “एस” थिच्नुपर्ने बाध्यात्मकता लाई अन्यायपूर्ण ठहर गरेका छन् किनभने यो अस्वीकार गर्नु “राजीनामा दिनु” को पर्यायवाची मान्न सकिने थिएन। त्यसैले कम्पनीसँग रूनीलाई बर्खास्त गर्न कुनै आधार नभएको समाचार संस्था इन्ग्याजेटले जनाएको छ।

मस्कले ट्विटरको जिम्मेवारी लिएको एक महिनापछि, २०२२ को नोभेम्बरमा सबै ट्विटर कर्मचारीहरूलाई प्रतिबद्धताको अल्टिमेटम इमेल गरेका थिए। “ए फोर्क इन द रोड” शीर्षकको इमेलमा ट्विटरका कर्मचारीहरूलाई “एक्स्ट्रीमली हार्डकोर” मोडमा काम गर्नुपर्ने, जसमा “उच्च तीव्रतामा लामो घण्टाहरू” पर्ने उल्लेख गरिएको थियो।

मस्कले आफ्ना कर्मचारीहरूलाई इमेलमा रहेको लिङ्क थिचेर नयाँ ट्विटरको हिस्सा बन्ने प्रतिबद्धता जनाउन २४ घण्टा समय दिएका थिए। लिङ्क नथिच्ने, उनीहरूलाई तीन महिनाको तलब दिएर बर्खास्त गरिने बताइएको थियो।

म्याकनमीले मस्कको २४ घण्टाको समयसीमालाई कर्मचारीहरूको जागिरको भविष्य विचार गर्न “उचित सूचना” नभएको बताएका छन्। उनले कुनै पनि कर्मचारीलाई प्रस्तावहरूमा खुला रूपमा अस्वीकार गर्न बाध्य पारिनु हुन्न र यसो भएमा यसलाई लागि दोषी ठहराउन नसकिने विचार व्यक्त गरे।