निर्वाचनसम्बन्धी मिथ्या सूचना दिने ग्रोक च्याटबटमा सुधार ल्याउन मस्कलाई आदेश

काठमाडौं ।

अमेरिकाका पाँच राज्यका सेक्रेटरीहहरुले इलन मस्कलाई उनले एक्स प्लेटफर्ममा प्रयोग गरिरहेको ग्रोक एआई च्याटबटमा परिवर्तन ल्याउन पत्र काट्ने भएका छन्।

उक्त च्याटबटले प्रयोगकर्तालाई कमला ह्यारिस २०२४ को राष्ट्रपतीय चुनावमा उठेकोबारे केही राज्यहरुमा गलत सूचना दिएपछि ती राज्यमन्त्रीहरुले च्याटबटमा सुधार ल्याउन आदेश दिएका हुन्।

च्याटबट ग्रोकले प्रयोगकर्ताहलाई चुनावका मतपत्र खसाल्ने बाकसहरु गाडीमा लादिसकिएको र थुप्रै राज्यमा उम्मेदवारी दिने अन्तिम समयसीमा पनि समाप्त भइसकेको जवाफ उपलब्ध गराएको द गार्जियनले उल्लेख गरेको छ।

‘त्यसैले यदि तपाईँ २०२४ को चुनावमा यीमध्ये कुनै राज्यमा राष्ट्रपतिमा उठ्न चाहनुहुन्छ भने राम्ररी चेक गर्नुहोस् कतै तपाईँ ढिला त हुनुभएन? अहिले छुट्यो भने २०२८ छ नि’, च्याटबटले प्रयोगकर्तालाई भन्ने गरेको थियो।

उक्त च्याटबटले अलाबामा, मिचिगनलगायत ९ ओटा राज्यको सूची बनाउँदै यी राज्यहरुमा उम्मेदवारी दिने समयसीमा नसकिएकोले वर्तमान उप राष्ट्रपति ह्यारिसले राष्ट्रपतिको उम्मेदवारी दिन छेकबार नभएको जानकारी राखेको छ।

वाशिङ्टन पोस्टलाई उद्धृत गर्दै द गार्जियनले उल्लेख गरे अनुसार मिचिगन, मेक्सिको, पेन्सल्भानिया, मिनेसोटा तथा वाशिङ्टनका ती राज्यमन्त्रीहरुले मस्कलाई पत्र पठाएर राष्ट्रपतीय निर्वाचनको सही सूचनासहित ग्रोकलाई अपडेट गर्न आदेश दिएका हुन्।