आईफोन एसई ४ को स्पेसिफिकेसनका साथै मूल्य र लन्च टाइमफ्रेम सार्वजनिक

Technology Khabar ७ श्रावण २०८१, सोमबार

काठमाडौं ।

एप्पलको बजेट–अनुकूलित आईफोन एसई लाइन सधैँजसो असामान्य र अनौठो मामला बन्ने गरेको छ। आईफोन एसईले परिचित, शक्तिशाली आन्तरिक स्पेकलाई थोरै पुरानो डिजाइनमा प्रस्तुत गर्ने गरेको छ।

यद्यपि आगामी आईफोन एसई ४ को डिजाइन र क्यामरा सेटअपको बारेमा फरक फरक जानकारीहरु आईरहेका छन्।

यस हप्ताको सुरुवातमा देखा परेको एक लीकले आईफोन एसईले पूरारुपमा डुअल रियर क्यामरा प्रणालीको साथ आईफोन १६ को डिजाइन सापटी लिने सुझाव दिएको थियो। यद्यपि यसअघिका रिपोर्टहरू र लीक सीएडी रेन्डरहरूले सिङ्गल रियर क्यामरा रहने उल्लेख गरेका थिए।

यसै क्रममा अब, प्रतिष्ठित स्रोत आइस युनिभर्सबाट आएको एक नयाँ लीकले आईफोन एसई ४ को सम्भावित स्पेसिफिकेसनहरूमा केही प्रकाश पार्दै फोनमा डुअल क्यामरा रहने जस्तो देखिएको भनेका छन।

आइस युनिभर्सका अनुसार आईफोन एसई ४ मा ४८ मेगापिक्सेलको सिङ्गल रियर क्यामरा समावेश गरिने जनाइएको छ। डिभाइसको स्क्रिन ६.०६ इन्च मापन गर्ने भनिएको छ र यो एसई ३ को ४.७ इन्चको डिस्प्लेको तुलनामा उल्लेखनिय सुधार हुने उल्लेख गरिएको छ।

मध्य–दायरा एन्ड्रोइड फोनहरूले ९० हर्ज वा १२० हर्ज डिस्प्लेहरू प्रदान गर्ने गरेको भएतापनि यसमा भने अझै पनि ६० हर्ज रिफ्रेस रेट हुने सम्भावना रहेको बताईएको छ।

त्यसैगरी डिभाइसलाई एप्पलको नवीनतम ए१८ बायोनिक चिपले पावर गर्नेछ। यसबाहेक लीकले एप्पल वा क्वालकमबाट प्राप्त गर्ने सम्भावना रहेको तर पुस्टि नभएको एक मोडेमको साथमा ६ जीबी वा ८ जीबीको एलपीडीडीआर५ र्यामको पनि उल्लेख गरेको छ।

साथै टिपस्टरले सार्वजनिक गरेको केहि डिजाइन विवरणहरूमा एल्युमिनियम साइड फ्रेम समावेश छ। यो फोनले आइकोनिक होम बटन र पुराना एसई मोडेलहरूको चङ्कि बेजेलहरू हटाउने सुझाव दिने अघिल्लो रिपोर्टहरूसँग पङ्क्तिबद्ध हुनुका साथै हालको आईफोन लाइनअपको नजिकको डिजाइन छनोट गरेको उल्लेख छ। साथै त्यहाँ फेस आईडीको पनि उल्लेख गरिएको छ जसले यसको पूर्ववर्तीहरूमा टच आईडीलाई प्रतिस्थापन गर्नेछ।

त्यसैगरी, लीकले यूएसबी–सी पोर्टको पनि उल्लेख गरेको छ, जसले हालको लाइटनिङ्ग कनेक्टरलाई प्रतिस्थापन गर्नेछ।

आईफोन एसई ४ को मूल्य ४९९ अमेरिकी डलर र ५४९ अमेरिकी डलर बीचमा हुने अपेक्षा गरिएको छ भने सन् २०२५ को मार्च र मे बीचमा लन्च हुनसक्ने गीज्मोचाइनाले उल्लेख गरेको छ।

प्रकाशित: ७ श्रावण २०८१, सोमबार

तपाइको प्रतिक्रिया

ताजा समाचार

New computer laboratory for Gyanodaya

  • Technology Khabar
  • ७ श्रावण २०८१, सोमबार

‘End of an era’: MTV pulling plug on global music channels

७ श्रावण २०८१, सोमबार

AI training for trekking agencies begins

७ श्रावण २०८१, सोमबार

MAW Vriddhi sets the benchmark again in EV growth and customer satisfaction

७ श्रावण २०८१, सोमबार