शाओमीको पहिलो फ्लिप फोन चीनमा लन्च, ४.१ इन्चको कभर स्क्रिन र स्न्यापड्रागन ८ जेन ३ चिपसेट

काठमाडौं ।

शाओमीले शुक्रबार चीनमा आफ्नो पहिलो फ्लिप फोन शाओमी मिक्स फ्लिप लन्च गर्दै क्ल्यामशेल फ्लिप फोल्डिङ फोन खण्डमा प्रवेश गरेको छ। यो नयाँ स्मार्टफोन अब घरेलु बजारमा सामसङ ग्यालेक्सी जेड फ्लिप ६, भिभो एक्स फ्लिप, ओप्पो फाइन्ड एन३ फ्लिप र अन्य कम्पनीको लागि प्रतिस्पर्धी बन्ने भएको छ।

शाओमी मिक्स फ्लिपको स्पेक्स

शाओमी मिक्स फ्लिपमा अगाडिको भागमा ठूलो ४.०१ इन्चको डिस्प्ले फिचर गरिएको छ। साथै शाओमी मिक्स फ्लिपको ४.०१ इन्चको यो डिस्प्ले यस खण्डमा सबैभन्दा ठूलो भएको जनाइएको छ।

सबै साइडहरूमा सिमेट्रिकल बेजेलहरुले घेरिएको र स्क्रिनले १२० हर्ज रिफ्रेस दरका साथै १.५के रिजोल्युसन र ३,००० निट्स पीक ब्राइटनेस प्रदान गर्नेछ। शाओमीले ड्यामेजलाई ध्यानमा राख्दै सुरक्षाको लागि भनेर यसले आफ्नो ड्र्यागन क्रिस्टल ग्लासलाई टपमा लेयर गरेको छ।

त्यसैगरी सेकेन्डरी कभर स्क्रिनको टप बेजेल माथि एक समर्पित इयरपिस र माइक्रोफोन रहेको  छ, जसले प्रयोगकर्ताहरूलाई डिभाइस नखोली कल गर्न अनुमति दिने छ। यसले पूर्ण आकारको किबोर्डको साथमा स्मार्ट पार्टेसन (विभाजनहरू), फूल स्क्रिन फोटोग्राफी र अन्य इन्टेलिजेन्ट फिचर्सलाई समर्थन गर्ने जनाइएको छ।

शाओमी मिक्स फ्लिपको मुख्य आन्तरिक स्क्रिन ६.८६ इन्चको रहेको र यसको रिजोल्युसन, रिफ्रेस रेट, र पीक ब्राइटनेस सेकेन्डरी डिस्प्लेको जस्तै भएको जनाइएको छ। डिभाइसमा पावर बटनमा इम्बेडेड साइड–माउन्टेड फिंगरप्रिन्ट स्क्यानर रहेको छ।

यस डिभाइसको तौल १९२ ग्राम मात्र रहेको र फोल्ड गर्दा १५.९९ मिमी मोटो हुने जनाइएको छ।

अप्टिक्स फ्रन्टमा, मिक्स फ्लिपको पछाडि लाइका–ब्रान्डेड डुअल रियर क्यामरा सेटअप समावेश गरिएको छ। उक्त डुअल रियर क्यामरा सेटअपमा ५० मेगापिक्सेलको मुख्य ओआईएस सेन्सर र २ एक्स जुमको साथ ५० मेगापिक्सेलको फ्लोटिङ टेलिफोटो युनिट समावेश गरिएको छ। साथै आन्तरिक स्क्रिनमा ३२ मेगापिक्सेलको सेल्फी स्न्यापर पञ्च होल कटआउट भित्र राखिएको छ। डिभाइसले चार ओटा फोकल लेन्थमा शूट गर्ने क्षमता सहित मास्टर पोर्ट्रेट मोड प्याक गर्दछ।

शाओमी मिक्स फ्लिप स्न्यापड्रागन ८ जेन ३ एसओसीका साथमा आउँछ।साथै यसले १६ जीबी एलपीडीआर ५ र्याम र १ टिबी यूएफएस ४.० स्टोरेजसम्म प्याक गर्ने जनाइएको छ। त्यसैगरी हिट डिसिपेसनको लागि थ्रीडी भेपोर कूलिङ चेम्बर समावेश गरिएको उल्लेख छ।

फ्लिप फोनमा ६७ वाट फास्ट चार्जिङको लागि समर्थन सहितको ४,७८० एमएएच ब्याट्री युनिट रहेको छ। सफ्टवेयर तर्फ, डिभाइसमा हाइपरओएस–आधारित एन्ड्रोइड १४ समावेश गरिएको छ।

शाओमी मिक्स फ्लिप सेतो, बैजनी र कालो रङ्गहरूमा आउँछ। क्ल्यामशेल फोल्डेबल १२ जीबी + २५६ जीबी मोडेलको मूल्य ५,९९९ चिनियाँ युआन (८२५ अमेरिकी डलर) बाट सुरु हुन्छ भने १२ जीबी + ५१२ जीबीको मूल्य ६,४९९ चिनियाँ युआन (८९४ अमेरिकी डलर) कायम गरिएको छ।

त्यसैगरी १६ जीबी + १ टिबीको मूल्य ७,२९९ चिनियाँ युआन (१,००४ अमेरिकी डलर) रहेको र फोनहरु जुलाई २३ देखि उपलब्ध हुने गिज्मोचाइनाले रिपोर्टमा उल्लेख गरेको छ।