ग्लोबल साइबर आउटेजका कारण मिडिया, दूरसंचार, वित्तीय सेवा र उडान ठप्प

काठमाडौं ।

सञ्चार समस्याहरूलाई उद्धृत गर्दै प्रमुख अमेरिकी एयरलाइन्सहरूले शुक्रबार आफ्नो सेवामा अवरोध अनुभव गरेका छन्। उनीहरुले ग्राउन्ड स्टप नोटहरु जारी गरेको छन्। मिडिया कम्पनीहरू, बैंकहरू र विश्वभरका टेलिकम फर्महरूले पनि प्रणाली आउटेजहरूले उनीहरूको सञ्चालनमा बाधा पुर्याइरहेको रिपोर्ट गरेका छन्।

माइक्रोसफ्टले आफ्नो क्लाउड सेवाहरूको आउटेज समाधान गरेको बताए पछि अमेरिकन एयरलाइन्स, डेल्टा एयरलाइन्स, युनाइटेड एयरलाइन्स र एलिजियन्ट एयरले एक घण्टा भन्दा कम समयको लागि उडानहरू ग्राउन्डेड गरेका थिए। साथै यसले धेरै कम लागतका हवाई कम्पनीहरूलाई असर गरेको उल्लेख छ।

यद्यपि, उडानहरू रोक्नको लागि गरिएको कल माइक्रोसफ्ट क्लाउड आउटेजसँग सम्बन्धित थियो कि थिएन भन्ने बारेमा तुरुन्तै स्पष्ट नभएको रोयटर्सले जनाएको छ।

त्यसैगरी अष्ट्रेलियामा मिडिया, बैंकहरू र टेलिकम कम्पनीहरूले आउटेजको सामना गर्नुपरेको जसलाई सरकारले विश्वव्यापी साइबर सुरक्षा फर्म क्राउडस्ट्राइकको मुद्दासँग जोडिएको देखिने अन्य रिपोर्टहरुमा उल्लेख छ।

क्राउडसोर्स वेबसाइट डाउनडिटेक्टरले धेरै बैंक र टेलिकम कम्पनीहरूमा आउटेज देखाएको जनाइएको छ।

अष्ट्रेलियाको उल्लेख नगरी माइक्रोसफ्टको विन्डोज अपरेटिङ सिस्टममा यसको फाल्कन सेन्सरमा क्र्यास भएको रिपोर्टहरू बारे सचेत रहेको भन्दै रोयटर्सले यसको प्राविधिक समर्थनलाई सम्पर्क गर्दा क्राउडस्ट्राइकले शुक्रबार रेकर्ड गरिएको फोन मेसेज (सन्देश) चलाएको रिपोर्टमा भनेको छ।

अष्ट्रेलियाको राष्ट्रिय साइबर सुरक्षा संयोजक मिशेल म्याकगिनेसको कार्यालयले एक्समा गरेको एक पोस्टमा आउटेज साइबर सुरक्षा घटना भएको भन्ने कुनै जानकारी नभएको बताएका छन्।

स्पेनले आफ्ना सबै एयरपोर्टहरूमा “कम्प्युटर इन्सिडेन्ट” भनेर रिपोर्ट गर्दै, यात्रु संख्याको आधारमा युरोपको सबैभन्दा ठूलो एयरलाइन्स ‘र्यानएयर’ले यात्रुहरूलाई सम्भावित अवरोधहरूको चेतावनी दिएको छ। यसले “नेटवर्कमा सञ्चालित सबै एयरलाइन्स” लाई असर पार्ने बताएको थियो। यद्यपि अवरोधहरूको प्रकृतिको बारेमा भने स्पष्ट नपारिएको उल्लेख छ।

एडब्ल्यूएस क्लाउड सेवा प्रदायकले एक विज्ञप्तिमा “एडब्ल्यूएस भित्र विन्डोज ईसी २ इन्सट्यान्स र वर्कप्लेसेजमा कनेक्टिभिटी समस्याहरूको रिपोर्टहरूको अनुसन्धान गरिरहेको छ” भनेर थप उल्लेख गरेको छ।

यद्यपि यी सबै रिपोर्ट गरिएका आउटेजहरू क्राउडस्ट्राइक समस्याहरूसँग जोडिएका थिए वा यसमा अन्य समस्याहरू थिए भन्ने बारेमा भने तत्काल स्पष्ट नभएको उल्लेख गरेको छ।