दक्षिण कोरिया सामसङका कामदारहरूद्वारा तत्काल हडताल घोषणा

काठमाडौं ।

तलब र लाभांशमा विवाद भएपछि सामसङ इलेक्ट्रोनिक्सका कामदारहरू तत्काल हडतालमा जाने एक युनियन प्रमुखले सोमबार घोषणा गरेका छन्।

नेशनल सामसङ इलेक्ट्रोनिक्स युनियनका प्रमुख सन वु–मोकले भने, “हाम्रा माग पूरा नभएसम्म हामी ‘नो पे नो वर्क’ आम हडतालमार्फत लड्नेछौँ ।”

यो कदम जुनमा एक दिनको वाकआउट पछ्याइएको कम्पनीमा पहिलो यस्तो सामूहिक कार्य हो जुन दशकौंसम्म युनियनबिना चलेको थियो।

सनले भने, “सामसङ इलेक्ट्रोनिक्सका कर्मचारीहरूलाई भर्खरको प्रस्तावले करिब २८ हजार कामदारहरूको प्रतिनिधित्व गर्ने युनियनका सबै सदस्यलाई निराश बनाएको छ।”

कम्पनीले यही वर्षको जुनको हडतालअघि कामदारको तलब पाँच दशमलव एक प्रतिशत वृद्धि गर्ने प्रस्ताव गरेको छ।

हालको प्रस्तावलाई अस्वीकार गर्दै युननिय प्रमुखले वार्षिक बिदामा सुधार र पारदर्शी कार्यसम्पादनमा आधारित बोनसलगायतका माग राखे।

सामसुङ इलेक्ट्रोनिक्स संसारको सबैभन्दा ठूलो स्मार्टफोन निर्माताहरूमध्ये एक हो। यो भिडियो, आर्टिफिसियल इन्टेलिजेन्स हार्डवेयरसहित जेनेरेटिभ एआईका लागि प्रयोग गरिने उच्च–अन्त मेमोरी चिपहरू उत्पादन गर्ने विश्वव्यापी रूपमा कम्पनीहरूमध्ये एक हो।

युनियनका उपाध्यक्ष ली ह्युन–कुकले सोमबार एएफपीलाई भने, “हामीलाई कम्पनीबाट अहिलेसम्म कुनै आधिकारिक सञ्चार प्राप्त भएको छैन कि उनीहरूले हाम्रो हडतालको घोषणा पाएका छन्।” रासस/एएफपी