चिनियाँ अन्तरिक्ष यात्री पृथ्वीको ४५० किलोमिटर माथि अन्तरिक्षमा किन झुण्डिए, हेर्नुहोस् भिडियो

Technology Khabar ११ असार २०८१, मंगलवार

काठमाडौं ।

जहिलेदेखि चीनले अन्तरिक्षमा आफ्नो अन्तरिक्ष स्टेशन तयार पारेको छ, त्यसबेलादेखि यसका वैज्ञानिकहरूको नयाँ ‘गतिबिधि’ प्रकाशमा आउन थालेका छन्। एक समय थियो जब अमेरिका र अन्य देशले चीनलाई अन्तर्राष्ट्रिय अन्तरिक्ष स्टेशनको हिस्सा बन्न दिएनन्, र चीनले आफैंले अन्तरिक्ष स्टेशन बनाएको छ र यसको मर्मत पनि गरिरहेको छ।

पछिल्लो भिडियोमा एक चिनियाँ अन्तरिक्ष यात्री पृथ्वीमाथि झुण्डिएको जस्तो देख्न सकिन्छ। यो फुटेज हैरान गर्ने किसिमको छ।

रिपोर्टका अनुसार यो घटना चीनको तियाङगोङ स्पेस स्टेशनमा स्पेसवाक गर्ने क्रममा भएको हो। स्पेसवाकहरू सामान्यतया त्यसबेला गरिन्छ जब स्पेस स्टेशनको बाह्य उपकरणहरू मर्मत गर्न आवश्यक पर्दछ। अन्तरिक्ष यात्रीहरू आफ्नो स्पेससूटमा बाहिर निस्कन्छन् र धेरै घण्टासम्म स्पेसवाक गर्छन्।

यस्तै एउटा स्पेसवाकको क्रममा, एक चिनियाँ अन्तरिक्ष यात्री पृथ्वीको माथि झुण्डिएको जस्तो अवस्थामा देख्न सकिन्छ। यो भिडियो फुटेज स्पेस स्टेशनको रोबोटिक आर्ममा जडान गरिएको क्यामराले रेकर्ड गरेको थियो। चीनको शेन्झौउ १८ मिसन हाल तियाङ्गोङ स्टेशनमा उपस्थित छ। यो अप्रिल महिनामा तियाङ्गगोङ्गको लागि लन्च गरिएको थियो। यससँग सम्बन्धित वैज्ञानिकहरूले साढे आठ घण्टाको स्पेसवाक गरेका थिए जुन कीर्तिमान हो।

‘ये गुआङ्फु’ र ‘ली गुआङ्सु’ नामका अन्तरिक्ष यात्रीहरूले मे २८ मा तियाङगोङ अन्तरिक्ष स्टेशनबाहिर ८.५ घण्टा काम गरेका थिए। यसअघि कुनै पनि चिनियाँ अन्तरिक्ष यात्रीले यति लामो स्पेसवाक गरेका थिएनन्। ‘ये’ र ‘ली’ ले स्पेस स्टेशनलाई अन्तरिक्ष फोहोरबाट जोगाउन एउटा डिभाइस स्थापना गरेका छन्। यसको नाम स्पेस डेब्रिस प्रोटेक्शन डिभाइस हो। अन्तरिक्ष यात्रीहरूले त्यहाँ उपस्थित अन्य उपकरणहरू पनि जाँच गरेका थिए।

चीनको अन्तरिक्ष स्टेशन पृथ्वीबाट ३४० देखि ४५० किलोमिटरको उचाइमा छ। सन् २०२१ मा पहिलो पटक अन्तरिक्ष यात्रीहरूको टोली तियाङगोङ अन्तरिक्ष स्टेशन पुग्यो र त्यहाँ ९० दिन बिताए।  त्यतिबेला अन्तरिक्ष स्टेशनको पहिलो भाग मात्र पूरा भएको थियो। स्पेस स्टेशनको दोस्रो र तेस्रो एकाइ गत वर्ष र यो वर्ष सुरु गरिएको थियो।

प्रकाशित: ११ असार २०८१, मंगलवार

तपाइको प्रतिक्रिया

ताजा समाचार

New computer laboratory for Gyanodaya

  • Technology Khabar
  • ११ असार २०८१, मंगलवार

‘End of an era’: MTV pulling plug on global music channels

११ असार २०८१, मंगलवार

AI training for trekking agencies begins

११ असार २०८१, मंगलवार

MAW Vriddhi sets the benchmark again in EV growth and customer satisfaction

११ असार २०८१, मंगलवार