अमेरिकाको लस एन्जलस स्कूल बोर्डले स्मार्टफोन प्रतिबन्धको लागि मतदान गर्यो

काठमाडौं ।

विद्यार्थीहरू (बच्चाहरू) को सिकाइलाई कमजोर पार्ने र मानसिक स्वास्थ्यलाई हानि गर्ने सामाजिक सञ्जालबाट अलग गर्ने प्रयासको रुपमा अमेरिका स्थित लस एन्जलस युनिफाइड स्कूल डिस्ट्रिक्ट बोर्ड अफ एजुकेशनले मङ्गलबार आफ्ना ४२९,००० विद्यार्थीहरूको लागि स्मार्टफोनहरू प्रतिबन्ध लगाउन मतदान गरेको छ।

दोस्रो–ठूलो यूएस स्कूल डिस्ट्रिक्टको बोर्डले २ का विरुद्ध ५ ले मतदान गर्दै, १२० दिन भित्र विद्यार्थीहरूलाई सेलफोन र सोशल मिडिया प्लेटफर्महरूको प्रयोगलाई निषेध गर्ने नीति विकास गर्ने प्रस्तावलाई अनुमोदन गरेको छ। उक्त नीति सन् २०२५ को जनवरी सम्ममा लागू हुने रोयटर्सले रिपोर्ट गरेको छ।

“मलाई लाग्छ कि हामी यहाँ अग्रगामी हुनेछौं, र विद्यार्थीहरू तथा यो सम्पूर्ण शहर र देश परिणाम स्वरूप लाभान्वित हुनेछन्,” बोर्ड सदस्य निक मेलभोइनले बताएको र उनले नै यो रिजोलुसन प्रस्ताव गरेको थप उल्लेख छ।

गत सोमबार, यूएस सर्जन जनरल विवेक मूर्तिले मानसिक स्वास्थ्य आपतकालिन मानेको कुरालाई उद्धृत गर्दै सोशल मिडिया प्लेटफर्महरूमा खोलिने नयाँ ट्याबहरुमा पनि अब सिगरेट प्याकेजहरूको जस्तै चेतावनी लेबल राख्नका लागि आह्वान गरेको जनाइएको छ।

विद्यालय समयको अवधिमा फोनहरू पाउच वा लकरहरूमा भण्डारण गरिनुपर्ने भन्ने बारेका साथै विभिन्न उमेरका विद्यार्थीहरू र सिकाइ वा शारीरिक अपाङ्गता भएका विद्यार्थीहरूका लागि के अपवादहरू हुनुपर्छ भन्ने कुरामा एल.ए. विद्यालयका अधिकारीहरूले विचार गर्नेछन्।

त्यसैगरी विद्यालयका अधिकारीहरूले सामाजिक सञ्जाल प्लेटफर्महरू प्रतिबन्धित गर्न टेक्नोलोजी प्रयोग गरेर र नीतिले स्मार्ट वाचहरू जस्ता विभिन्न प्रकारका डिभाइसहरूलाई कसरी सम्बोधन गर्नेछ भनेर पनि जाँच गर्नेछन्।

बोर्ड सदस्य जर्ज म्याकेन्नाले यो नीति धेरै प्रतिबन्धित हुने चिन्ताको आधारमा प्रस्तावको विरूद्ध मतदान गरेको बताईएको छ। साथै बोर्डका सदस्य स्कट स्मेरेलसनले यो प्रतिबन्ध गैर–निर्देशनात्मक समयमा हुनेछ र कसले नीति लागू गर्नेछ भन्ने बारेमा स्पष्ट छैन भन्दै भोट नदिएको उल्लेख गरिएको छ।

“मलाई लाग्छ कि यो फोनको पुलिसको बन्ने काम अब पूर्ण–समय काम हुनेछ,” स्मेरेलसनले भने।

लस एन्जलस फोन वा सोशल मिडियामा पहुँच प्रतिबन्ध गर्न धेरै साना स्कूल डिस्ट्रिक्टहरूमा सामेल भएको छ। फ्लोरिडामा, लगभग २० लाख ८० हजार सार्वजनिक विद्यालयका विद्यार्थीहरूको साथ, गत वर्ष विद्यार्थीहरूलाई सोशल मिडियामा पहुँच रोक्न स्कूल डिस्ट्रिक्टहरू आवश्यक पर्नेगरी एक कानून पारित गरिएको थियो। साथै अन्य धेरै राज्यहरूले पनि समान कानून पेश गरेका छन्।

मानसिक स्वास्थ्य जोखिम सम्बन्धी अनुसन्धान अधुरो रहँदा सर्जन जनरल मूर्तिले आपतकालीन अवस्था निकै स्पष्ट भएको हुनाले कारबाहीको माग आवश्यक भएको बताए।

रिपोर्टले, यसबाहेक, एल.ए. स्कूल डिस्ट्रिक्टले सेलफोनको लत चिन्ता र साइबरबुलिङको बढ्दो दरसँग जोडिएको अन्य प्रमाणहरू उद्धृत गरेको गरेको छ।