आईओएस १७ र आईप्याडओएस १७ मा चलिरहेका आईफोन र आईप्याडको संख्या सार्वजनिक

काठमाडौं ।

एप्पलले आफ्नो आईओएस १८ र आईप्याडओएस १८ अनावरण गरेको छ। यद्यपि, तिनीहरू केवल यस जाडो याममा जनताका लागि रिलीज हुने भएकाले त्यस अघि अर्को महिना सुरु हुने सार्वजनिक बिटा कार्यक्रमको लागि पर्खन सकिने उल्लेख गरिएको छ।

यस बीचमा, आईओएस १७ र आईप्याडओएस १७ अझै पनि कायमै रहने भएका छन्। उक्त अवधिसम्मका लागि नवीनतम नै रहने आईओएस १७ र आईप्याडओएस १७ संस्करणहरूमा हाल कति ओटा आईफोन र आईप्याडहरू चलिरहेका छन् भन्ने विवरणहरूको बारेमा जानकारी पनि सार्वजनिक भएको छ।

सबै सक्रिय आईफोनहरू मध्ये ७७ प्रतिशत आईओएस १७ मा चलिरहेका छन् भने गत वर्षको मे महिनाको ३० तारिखसम्म ८१ प्रतिशत आईफोनहरू आईओएस १६ मा चलिरहेको जनाइएको छ। सबै सक्रिय आईप्याडहरू मध्ये ६८ प्रतिशतले आईप्याडओएस १७ चलाइरहेका उल्लेख छ र त्यो पनि गत वर्षको मे महिनामा आईप्याडओएस १६ को ७१ प्रतिशत संख्या भन्दा कम भएको थप उल्लेख गरिएको छ।

गत चार वर्षमा ल्याइएका डिभाइसहरू मध्य, जुन महिनाको ९ ताखिसम्ममा ८६ प्रतिशत आईफोनहरू र ७७ प्रतिशत आईप्याडहरू आईओएस १७/आईप्याडओएस १७ मा चलिरहेका थिए। त्यसैले ओएस रिलिजहरूको पछिल्लो पुस्ता एप्पलको लागी, अघिल्लोको तुलनामा र अपनाउने संख्याको आधारमा त्यति सफल हुन नसकेको स्पष्ट देखिएको छ।

साथै अब एआईयुक्त आईओएस १८ र आईप्याडओएस १८ आएसँगै तिनीहरूले अर्को वर्षको यस समयमा व्यापकता पाउने अनुमान गरिएको जीएसएमएरिनाले रिपोर्टमा उल्लेख गरेको छ।