गुगलले हेडफोनका लागि पहिलेदेखि नै जेमिनीमा काम गरिरहेको दाबी

काठमाडौं ।

गुगलले आफ्नो एआई असिस्टेन्ट बार्डलाई पुनः ब्रान्ड गरेर जेमिनी बनाएको छ र यो सेवा अमेरिका, ल्याटिन अमेरिका, अफ्रिका, एशिया प्यासिफिक र क्यानडामा उपलब्ध भइसकेको छ।

यसले एन्ड्रोइड र आईओएसमा गुगल असिस्टेन्टलाई प्रतिस्थापन गर्नेछ। हालै आएको एक नयाँ रिपोर्टले यो चाँडै नै हेडफोनहरूमा पनि विस्तार हुन लागेको खुलासा गरेको छ।

यसै क्रममा, ९टु५गुगलकाअनुसार केही व्यक्तिहरूले गुगल एप (१५.६) को बिटा संस्करण जाँच गरेको र यसमा निम्न सन्देश रहेको भेट्टाएका छन्ः जेमिनी मोबाइल एपले तपाईंको हेडफोनहरूमा पहुँचयोग्य बनाउन उपलब्धता विस्तार गर्न काम गरिरहेको छ।

केही हेडफोनहरूमा भ्वाइस असिस्टेन्ट एक्टिभेट गर्नका लागि जेस्चर वा बटन हुने गर्दछ, र जेमिनीले यसलाई स्मार्टफोनमा प्रतिस्थापन गरेतापनि यो हाल, केवल गुगल असिस्टेन्ट मात्र भएको उल्लेख छ। उदाहरणका लागि, पिक्सेल बड्स प्रो, अझै पुरानो सेवासँग काम गर्दछ, जुन भ्वाइस र कम्प्याटिबिलिटीबाट स्पष्ट हुने रिपोर्टमा भनिएको छ।

गुगलले मुख्य रूपमा स्मार्टफोन एपमा काम गरिरहेको छ, जुन कम्पनीको प्रमुख बजारहरू मध्ये एक युरोपमा आउन बाँकी नै छ।

जेमिनी अडियो वेयरेबल्सको लागि आइपुग्दा, सर्टर एन्सर्स (छोटो जवाफ) वा प्लेब्याक स्पिड कस्टमाइजेसनसहित आउने अपेक्षा गरिएको जीएसएमएरिनाले रिपोर्टमा उल्लेख गरिएको छ।