Google

गुगल पिक्सेल फोल्ड २ मा टेन्सर जी४ चिपसेट समावेश गरिने, अक्टोबरमा लन्च हुने सम्भावना

गुगल पिक्सेल फोल्ड २ मा टेन्सर जी४ चिपसेट समावेश गरिने, अक्टोबरमा लन्च हुने सम्भावना
Global IME Bank

गुगलको अर्को पिक्सेल फोल्ड स्मार्टफोन अब टेन्सर जी३ चिपसेटलाई छोडेर टेन्सर जी४ चिपसेटमा जाने चर्चा बाहिरिएको छ। आगामी अक्टोबरमा लन्च गरिने पिक्सेल ९ र पिक्सेल ९ प्रो मा टेन्सर जी४ चिपसेट समावेश गरिने अपेक्षा गरिएको छ।

यसका साथै फोल्डेबलमा पनि सोही चिपसेटलाई राखिने अनुमान गरिएको छ।

गत वर्ष गुगल आई/ओ मा मूल पिक्सेल फोल्डलाई प्रस्तुत गरिएको थियो भने उक्त सम्मेलन यस वर्ष पनि मे महिनामा हुने जनाइएको छ।

यस्तै गुगलले पिक्सेल फोल्ड २ लाई १६ जीबी र्यामको साथ परीक्षण गरिरहेको र उक्त र्याम हालसम्म उपलब्ध भएका पिक्सेलहरुको तुलनामा सबैभन्दा बढी भएको उल्लेख गरिएको छ। साथै यसमा युएफएस ४.० स्टोरेज पनि रहनेछ, जुन ओजीमा युएफएस ३.१ स्टोरेजबाट एक चरण माथि हो ।

यसअघि नै पिक्सेल ९ र पिक्सेल ९ प्रो को सम्बन्धमा धेरै लीकहरु देखा परिसकेका छन् तर पिक्सेल फोल्डको बारेमा भने अहिलेसम्म कुनै पनि विवरण बाहिर आएको छैन्।

Sajilo Visa
easy care