अमेरिकी राज्य मोन्टानामा टिकटक माथिको प्रतिबन्ध अदालतले हटायो

काठमाडौं ।

अमेरिकी अदालतले मोन्टानाको टिकटक माथिको प्रतिबन्धले प्रयोगकर्ताहरूको स्वतन्त्र अभिव्यक्ति अधिकारको हनन भएको भन्दै रोक लगाएको छ।

मोन्टाना मेमा टिकटक माथि प्रतिबन्ध पारित गर्ने पहिलो अमेरिकी राज्य बनेको थियो। यो प्रतिबन्ध जनवरी १ देखि लागू हुनेगरी तय गरिएको थियो।

चिनियाँ कम्पनी बाइटडान्सको स्वामित्वमा रहेको सर्ट भिडियो सेयरिङ एपले प्रतिबन्धको घोषणा गरिएको एक हप्ता पछि मोन्टानामा मुद्दा दायर गरेको थियो।

अमेरिकी जिल्ला न्यायाधिश डोनाल्ड मोलोयले टिकटकसँग सहमति जनाउँदै भने यसले, ‘एक भन्दा बढी तरिकामा संविधानको उल्लंघन गर्दछ’ र ‘राज्य शक्तिलाई अतिक्रमण गर्दछ।’

कानूनले एप स्टोरहरूले टिकटक प्रस्ताव गर्न गैरकानूनी बनाउने थियो। र फर्महरूले १० हजार अमेरिकी डलरसम्म जरिवानाको सामना गर्नुपर्थ्यो।

असंवैधानिक कानून खारेज भएको टिकटक खुशी भएको बीबीसीलाई बताएको छ।

टिकटकले थप भन्यो ‘सयौं हजारौं मोन्टानान्सहरूले आफूलाई व्यक्त गर्न, जीविकोपार्जन गर्न र टिकटकमा समुदाय खोज्न जारी राख्न सक्छन्।’

मोन्टानाको राज्य अधिवक्ताको कार्यालयले रोयटर्सलाई भन्यो कि यसले ‘उक्त कानूनको रक्षाका लागि आफ्नो आगामी कदममा विचार गरिरहेको छ। जसले मोन्टानानहरूलाई चिनियाँ कम्युनिष्ट पार्टीबाट उनीहरूको डाटा प्राप्त गर्न र प्रयोग गर्नबाट जोगाउने छ।’

१० लाखभन्दा बढी जनसंख्या भएको मोन्टानाले गत डिसेम्बरमा सरकारी डिभाइसमा टिकटक माथि प्रतिबन्ध लगाएको थियो।

टिकटकले अमेरिकामा १५० मिलियन प्रयोगकर्ता रहेको र जसमध्ये अधिकांश किशोर र २० वर्षका भएको बताएको छ।

एपका माध्यमबाट चीन सरकारले नागरिकहरुको डाटा संकलन गर्न सक्ने चिन्ताका कारण विश्वभरमा यस एप छानबिनको दायरामा आएको छ।

अमेरिकी कंग्रेस समितिले मार्चमा टिकटकका प्रमुख कार्यकारी सोउ जी चीउलाई यस्तो सम्भव छ कि भनेर प्रश्न गरेको थियो। सोउले बारम्बार टिकटकले अमेरिकीहरुको जासुसी नगर्ने बताए। यद्यपि उनले कर्मचारीहरुले पत्रकारहरुको अकाउन्ट निगरानी गरेको स्वीकार गरेका थिए।

मार्चको सुरुमा, अमेरिकी सरकारले बाइटडान्सले टिकटक बेच्न वा देशमा सम्भावित प्रतिबन्धको सामना गर्नुपर्ने बताएको थियो।

सामाजिक सद्भाव बिगार्ने काम गरेको भन्दै नेपाल सरकारले गत कार्तिक २७ मा टिकटक माथि प्रतिबन्ध लगाएको छ।