रेड्मी १३ सीलाई भारतको बीआइएस प्रमाणीकरण प्राप्त

काठमाडौं ।

रेड्मी १३ सी स्मार्टफोनले भारतको बीआइएस प्रमाणीकरण प्राप्त गरेकाे छ। मोडल कोड २३१२४ आरएन ८७ आई भएको स्मार्टफोन भारत बीआइएस  प्रमाणीकरण वेबसाइटमा देखा परेको बताइएकाे हाे।

चीनमा शाओमी १४ सिरिज र हाइपर ओएसको सफल सुरुवात पछि रेड्मी १३ सीको ग्लोबल लन्चको लागि तयारी गरिरहेको छ। बहु प्रमाणीकरण वेबसाइटहरूमा अफवाहहरू र लीकहरू पहिले नै फैलिसकेका छन्।

त्यस्तै, स्मार्टफोन अर्को शाओमी डिभाइससँग सूचीबद्ध रहेको जसले मोडल कोड २३१२८ पीसी ३३ आई प्राप्त गर्ने बताइएको छ।

यद्यपि, सूचीहरूले स्मार्टफोनहरूसँग सम्बन्धित कुनै कुराको पुष्टि गर्दैन। तर उनीहरूले रेड्मी १३सी र अर्को अज्ञात स्मार्टफोनको पेन्डिङ ग्लोबल लन्चको पुष्टि गरेका छन्।

रेड्मी १३ सी दुबै ४जी र ५जी भेरियन्टहरूमा विश्वव्यापी रूपमा लन्च गर्न तय गरिएको उल्लेख छ। यसले कम्पिटिटिभ स्पेसिफिकेसनहरू फिचर गर्ने बताइएकाे छ।

लीक र चर्चाहरूका अनुसार, रेड्मी १३ सी ६.७४ इन्चको ९० हर्ज डिस्प्ले, ५० एमपी रियर क्यामरा, र १८ वाट चार्जिङ सपोर्टको साथ ५००० एमएएच ब्याट्रीको साथ आउनसक्ने छ। यो अक्टा-कोर चिपसेटको साथ आउने र यूएसबी टाइप-सी पोर्ट र ३.५ एमएम अडियो पोर्ट राख्ने पनि गिज्माेचाइनामा उल्लेख छ।

भर्खरका रेन्डरहरूले यसको पूर्ववर्ती रेड्मी १२ सीसँग यसको डिजाइन समानता प्रमाणित गर्छ। यो हल्का हरियो, कालो र नीलो गरी तीनवटा रङ विकल्पहरूसँग लन्च हुने सम्भावना धेरै रहेकाे बताइएकाे छ।

यसको पूर्ववर्ती-रेड्मी १२ सी गत डिसेम्बरमा चीनमा मिडिया टेक हेलीयो जी ८५ चिपसेटका साथमा ६.७ इन्च डिस्प्लेको विशेषता रहेको थियो।

रेड्मी १३सी सँगसँगै देखा परेको मोडल कोड २३१२८ पीसी ३३ आई सँगको अन्य शाओमी स्मार्टफोनको बारेमा कम जानकारी मात्रै उपलब्ध छ।